Fjalë që fillojnë me...
Fjalë me të njëjtat parashtesa ose tema fjalëformuese.
SHÉSHTË (i, e) mb. 1. Që e ka sipërfaqen të niveluar, që ka njëtrajtshmëri, pa të ngritura e pa gropa, i rrafshët; që e ka sipërfaqen të lëmuar. Tokë e sheshtë. Terrene të sheshta. Sipërfaqe (rrugë) e sheshtë. Pistë e sheshtë. Limë e sheshtë.
2. Që e ka majën e shtypur. Kësulë e sheshtë. Vezë e sheshtë. Punto shpimi e sheshtë.
3. Që është i rrafshët e i cekët (për enët), i përfushtë; kund. i thellë. Tigan i sheshtë. Enë të sheshta. Tas sallate i sheshtë. Kullesë e sheshtë.
4. Që nuk ka bark, që e ka belin të theksuar. Bark i sheshtë. Me bark të sheshtë. Çaj për një bark të sheshtë. Ushtrime për një bark të sheshtë.
5. Që nuk ka takë ose që ka takë shumë të ulët. Çizme (këpucë) të sheshta. Kishte veshur një palë shapka të sheshta. Nuk ndihej mirë me sandale krejt të sheshta.
6. fig. Që është i lirë nga pengesat, pa vështirësi, i hapur, i shtruar. E ardhmja e saj ishte një rrugë e sheshtë. Kjo punë nuk është aq e sheshtë sa duket.
7. Pjesë e dytë e emërtimeve të pathjeshta për koncepte të ndryshme. Shtyp i sheshtë shtypshkr. mënyrë shtypi që ka të bëjë me shkronjat e radhitura a të derdhura e të faqosura, figurat, skicat etj. të cilat vendosen në një rrafsh horizontal. Taksë e sheshtë (fin.) normë e tatimit e barabartë për të gjithë.
✱Sin.: i rrafshët, i përfushtë, i përsheshtë, i shtrirë, petullak, petullor, plloçak, shpatuk, petashuq, i nderë.
SHESHTËSÍ,~A f. sh. ~, ~TË libr. Hapësirë e sheshtë që ka sipërfaqe të rrafshët e të lëmuar, rrafshinë, dystinë. Sheshtësia e relievit. Parametra edhe për sheshtësinë. Pasqyra e ru…
Shfaq përkufizimin e plotë →SHESHTÍM,~I m. sh. ~E, ~ET 1. Nivelim, sheshim. Sheshtimi i tokës kishte nisur që në behar. Punuan për sheshtimin e dheut.2. Qepje e thjeshtë. Fustan me sheshtim të kujdesshëm.
Shfaq përkufizimin e plotë →SHESHTÍN/Ë,~A f. sh. ~A, ~AT libr. Vend i sheshtë; shesh i vogël. Para sheshtinës. Është një kodër guri në sheshtinë. Arriti në sheshtinën nën malin e lartë.✱Sin.: fushë, rrafshinë…
Shfaq përkufizimin e plotë →►SHESHT/ÓHET vep., ~ÚA (u), ~ÚAR 1. vet. v. III Qepet me tegel, ildiset. Nuk sheshtohet ashtu. Sheshtohet më rrallë se të tjerat.2. vet. v. III, pës. e SHESHTÓJ. Toka u sheshtua ng…
Shfaq përkufizimin e plotë →SHESHT/ÓJ vep., ~ÓVA, ~ÚAR 1. kal. E bëj rrafsh, rrafshoj, sheshoj. E sheshtoi tokën. Sheshtuan rrugën. Sheshtoi me tokmak.2. kal dhe jokal. Qep pjerrtas e rrallë, bëj një tegel të…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë