Fjalori
SHEMBIM

SHEMBÍM,~I m. sh. E, ~ET Prishje e linjave estetike ose e shprehjes së fytyrës të shkaktuar nga diçka, shëmtim; përçudnim. Shembim i bukurisë. Shembim i gjuhës. Kishte mbërritur në shembimin e plotë të fytyrës.
✱Sin.: shëmtim, shëmtirë, shpërfytyrim, zvetënim.

SHËMBIM

SHËMBÍM,~I m. sh. ~E, ~ET Dëmtim i vogël i një pjese trupi (këmbë, dorë); lëndim. Shëmbimi i këmbës. Shëmbimi i dorës. Shëmbimi i krahut e kishte penguar për të punuar.
✱Sin.: lëndim, plagosje, gjakosje, copëtim, gandim, përgjakje, gjymtim, plagë.

Rezultate të tjera nga lematizimi ose nga ngjashmëria me formën përfaqësuese: SHEMB
SHEMB

SHEMB vep., ~A, ~ÚR kal. 1. Prish e rrëzoj përtokë një mur, një ndërtesë etj., duke e goditur; rrënoj, shkatërroj dhe bëj rrafsh me tokën; kund. ndërtoj. E shembën ndërtesën (kalanë, fortesën, përmendoren). I shembën muret e shtëpisë. Qytetin e shembi dhe e rrënoi tërmeti. Ujërat kishin shembur urën.
2. E shtyj a e godas me forcë përtokë, përplas përdhe, hedh poshtë; kund. ngre. E shembi përdhe dhe iku. E shembi në asfalt. E shembën përtokë bishën.
3. Vras keq një gjymtyrë a një pjesë të trupit, e godit diku dhe e vras, por pa gjak; mbret, shajtoj, vras, copëtoj. E shembi gjurin gjatë ndeshjes (dorën). Kishte shembur krahun. Qëndroi i shtrirë pasi shembi këmbën.
4. fig. Prish nga themelet, rrëzoj me forcë, shkatërroj (një sistem shoqëror, një pushtet politik etj.), përmbys, flak tej; kund. ndërtoj, themeloj. E shembën diktaturën. Nuk arritën ta shembin demokracinë. Lëvizja që shembi komunizmin. Shembën murin e regjimit komunist. Virusi e shembi murin mbrojtës.
5. fig. Hedh poshtë me argumente diçka, rrëzoj; tregoj që është e gabuar a pa baza, i jap fund. I shembi mitet. Nuk arriti ta shembte besimin në fe. Ia shembi moralin.
6. bised. E qëlloj fort dikë, rrah, e shqep, e zhdëp. E shembën në dru. E shembi së rrahuri. E shembi me shkelma (me grushte).
7. fig., bised. E mund keqas (në një ndeshje sporti, në lojën e letrave etj.), fiton një ndeshje. Me dy gola i shembën kampionët. E shembi kundërshtarin në ring.
8. fig., bised. I jap të hajë e të pijë shumë, e ngop, e dend. E shembi me ushqim. E shembën me përralla. E shembi në pikë. E shembën me fjalë.
9. fig., keq. E qortoj dikë shumë ashpër, e dërrmoj fare; nuk e lë të marrë frymë; shuaj, mbyt, shqep. E shembën me kritika. E shembën me pyetje-përgjigje. E shembi me fyerje e të shara.
10. mjek. E bëj që t’i shkasë dhjamët, rrënxoj. Shemb dhjamin.
✱Sin.: rrënoj, shkatërroj, rrafshoj, fundos, përtroll, përtrollis, rrëzoj, përplas, gremis, mbret (mbres), shajtoj, vras, gjyfqej, copëtoj, përmbys, shqep, zhdëp, ngop, dend, qortoj, dërrmoj, shuaj, mbyt, rrënxoj, dëkoj.
♦ Shemb (përmbys) *malet (dikush). Shemb *murin (muret).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë