Fjalori
SHEGAT

SHEGÁT (SHEGÁS) vep., ~A, ~UR kal. Vë në lojë, tall a përqesh dikë; ngacmoj. E shegatnin njerëzit. Shegat të tjerët vazhdimisht. E shegat gjithë bota.
✱Sin.: tall, qesh, përqesh, shkërbej, shpotit, qesëndis, ngacmoj.

Rezultate të tjera nga lematizimi ose nga ngjashmëria me formën përfaqësuese: SHEGË
SHEGË

SHÉG/Ë,~AI f. sh. ~Ë, ~ËT (lat. Punica granatum) 1. bot. Pemë frutore shkurrore deri në pesë-tetë metra e lartë, me degë shumë të dendura dhe me gjethe të vogla heshtore, me lule të mëdha në formë cilindrike dhe strukturë mishtake, me fruta të mëdha lëkurore, në brendësi të ndara në fole që mbushen me kokërrza me ngjyrë zakonisht të kuqe në vishnje, me shije të ëmbël në majhoshe ose të tharta; kokrra e kësaj peme me farat të cilat hahen kur piqen. Shegë e kuqe. Shegë e ëmbël (e thartë). Shegë e butë. Shegë devedishe. Shegë lëkurëkuqe. Lule shege. Lëngu i shegës. Ngjyrë shege e kuqe. Gjel shege (dhomëz shege) një pjesë e kokrrës së shegës, që i ka farat të mbledhura në një vend. I kuq si shegë. Ngjyej me lëkura shege. Me faqe si shegë e pjekur. Faqet i kishte të kuqe si shegë.

2. bot. Kumbull e papjekur që prishet në degë, rrëshegë. Kumbulla nuk mbajti, i bëri shegë.

3. fig. Ajo që gëzon shëndet të mirë. Me faqe si shegë e pjekur. Faqet i kishte të kuqe si shegë. Faqekuq si shegë.

4. bot. Pjesë e parë e emërtimeve të pathjeshta për lloje të ndryshme të kësaj bime ose bimë që kanë ngjashmëri me shegën. Shega e egër (lat. Punica granatum spontaneum) shkurre me degë me gjemba e me trung të përdredhur dhe lule të kuqe, me fryt të mbuluar me lëvozhgë të trashë, që ka fara të lëngshme, por të athëta. Shega Sokotran (lat. Punica protopunica) bimë endemike në një ishull afër Jemenit, me një lartësi prej 2-4 m, me lëvore kafe të kuqërremtë, gjethe të errëta e fryt sferik, e cila mendohet se është pararendëse e shegës së butë. Shegëza e ëmbël (lat. Passiflora edulis) fryti i pasionit, fryt tropikal në formë ovale, me një lëkurë të fortë dhe tul të butë të përbërë nga fara plot lëng. Shegëza e ndulkët (lat. Passiflora molissima, Tasconia mollissima) fryti i pasionit në formën e bananes, me ngjyrë të verdhë, që kultivohet gjerësisht në malësitë e Andeve dhe konsiderohet si lule zbukurimi dhe të cilit i hahen edhe frutat.

✱Sin.: krahnjerr, grathatë, grathatel, boshtër, shtogër, ulër.

♦ Sharton *thanën me shegë (dikush).

SHEGË

SHÉG/Ë,~AIII f. sh. ~A, ~AT Vendi ku kthehet uji prej vijës kryesore; presë, ushejzë. Hapi shegën. Ndanë shegën. Ujiti tokën me shegë.
✱Sin.: presë, preskë, dasë, ushejzë.

SHEGE

SHÉGE,~JA f. sh. ~, ~ET Dhi a lopë e kuqe si shega. Shega kërcente majë më majë. Cilës racë i përkiste shega? Shega po kulloste e qetë.
✱Sin.: allçane, qimekuqe, shegutë, shegane, shegël, kuqeshë, kuqleshë, kuqël.

Rezultate të ngjashme

SHEGATEM

►SHEGÁT/EM jovep., ~A (u), ~UR 1. vetv. Mahitem, tallem. Nuk po shegatem me të. Shegatej në shkollë. Shegatej me lojëra.2. pës. e SHEGÁT. U shegat nga të afërmit. Shegatej nga tifo…

Shfaq përkufizimin e plotë →
SHEGATJE

SHEGÁTJE,~A f. sh. ~E, ~ET Veprimi kur tallim a përqeshim dikë; mahi, tallje. U bë objekt shegatjeje. E teproi me shegatje. E kuptoi shegatjen e saj.✱Sin.: mahi, tallje, qeshje, pë…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë