Fjalori
SHEBEK

SHEBÉK,~U m. sh. ~Ë, ~ËT 1. vjet. Djalë jetim ose shumë i varfër, që shërbente si shërbëtor në shtëpitë a në dyqanet e të pasurve; shërbëtor që i shkonte pas një zyrtari të lartë ose një të pasuri, shërbyes; shkarth. E mbajtën si shebek. I shërbeu shebeku. Thirri shebekët.
2. Ai që ka mbetur i shkurtër e i pazhvilluar në trup. Në garë mori pjesë edhe shebeku, megjithëse ishte me trup të shkurtër. Mbeti shebek. Si shebeku që e merr era kur ecën.
3. Djalë i vogël që nuk rri rehat e që është shumë i lëvizshëm; djalë i shkathët e çapkën. S’rri urtë shebeku. Ç’t’i bënte atij shebeku shejtan? Endej rrugëve shebeku duke bërë shejtanllëqe.
4. zool. (lat. Cynocephalus) Një lloj majmuni ngjyrë ulliri me turi të stërzgjatur. Shebekët janë majmunë të mëdhenj. Pa në foto një shebek. Edhe shebekut i pëlqenin bananet.
✱Sin.: shërbëtor, shërbyes, shkarth, shkurtabiq, cumrrak, çapkën, shejtan.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë