Fjalë që fillojnë me...
Fjalë me të njëjtat parashtesa ose tema fjalëformuese.
SHARTÚAR (i, e) mb. 1. Që është kryqëzuar për t’u përmirësuar a zbutur me anë të shartimit; që është shartuar. Pemë e shartuar. Fidan i shartuar. Trëndafil i shartuar. Portokall i shartuar me limon. Shalqi i shartuar me kungull. Kafshë e shartuar.
2. fig. Që është shtuar mbi një tjetër a është bashkuar me të pa një lidhje të brendshme e të natyrshme; që ka dalë nga një bashkim gjërash, të cilat në thelbin e tyre janë të ndryshme a të papajtueshme, i përzier. Modë e shartuar. Identitet i shartuar. Martesë e shartuar.
✱Sin.: i kryqëzuar, hibrid, i përzier.
♦ I shartuar në *degë (dikush) përb. I shartuar në *trung.
SHART/ÓJI vep., ~ÓVA, ~ÚAR 1. kal., bujq. Vë nën lëkurën e një bime (peme) një syth ose një pipth të një bime tjetër të të njëjtit lloj ose të një lloji të afërt, për të krijuar një varietet më të mirë; krijoj një bimë të re me anë të shartimit; bulas. Shartoj pemën. Dinte të shartonte edhe lulet. Shartoj portokallin. I shartoi ullinjtë.
2. kal., vjet. Kryqëzoj kafshë për të përmirësuar racën e tyre. Mushka del nga kryqëzimi i pelës me gomarin.
3. kal., vjet. Bëj vaksinën e një sëmundjeje (zakonisht të lisë), vaksinoj. Shartoj poliomielitin. Shartoj linë.
4. kal., bised. Zgjat diçka të thyer duke i ngjitur një copë tjetër. Shartoj bishtin e fshesës.
5. kal., bised. Mbuloj vendin e grisur me një thurimë tjetër duke e shtuar. Shartoj mëngën e trikos. Shartoj çorapet.
6. jokal., vet. v. III Nxjerr syth; zë, ngjitet kalemi. Shartoi thupra. Shartoi pema. Shartoi molla e re.
7. jokal. Zë, ngjit kockën e thyer a të krisur. Kocka e fëmijës sharton më shpejt se e të rriturit. Priste që t’ia shartonte këmbën e thyer.
8. kal., fig., keq. Bashkoj në mënyrë jo të natyrshme pikëpamje, ide a gjëra që në thelbin e tyre janë të ndryshme a të papajtueshme. Shartoj fisnikërinë me koprracinë. Ka shartuar brenda vetes të mirën me të keqen.
9. kal., fig. Bëj që të zërë rrënjë një mendim, një ide, një ndjenjë etj. te dikush; ngul, ngulit. Mos e sharto të keqen. E ka zakon të shartojë zi.
✱Sin.: bulas, kryqëzoj, vaksinoj, shënoj, shtoj, zë, ngjit, ngulit.
♦ Të sharton me *hithër (dikush) keq.
SHART/ÓJII vep., ~ÓVA, ~ÚAR kal. Shqyrtoj me kujdes, mirë e mirë sipas rregullave, shoshit, paravendoj. E shartoi hollë atë punë, derisa mori vendimin. Vetëm ai ka të drejtë ta shartojë atë punë. Komisioni po e shartonte ankesën me kujdes.
✱Sin.: shqyrtoj, hulumtoj, hetoj, shoshit, peshoj, përimtoj, rrah, përthelloj, përsias, paramendoj, pleqëroj, paravendoj, këqyr.
SHARTÚES,~E mb. Që përdoret për të bërë një shartim. Brisk shartues. Material shartues. Pipth shartues. Skuadër shartuese. Thikë shartuese. Pajisje shartuese.
Shfaq përkufizimin e plotë →SHARTÚES,~I m. sh. ~, ~IT Specialist për shartime, ai që bën shartime, shartak. Shartues i njohur pemësh. E zgjodhi si shartues. Shartuesit janë përzgjedhësit e parë të bimëve.
Shfaq përkufizimin e plotë →SHARTÚES/E,~JA f. sh. ~E, ~ET Specialiste për shartime, ajo që bën shartime, shartake. E kishte marrë zanatin si shartuese nga i ati. Mbahej si shartuese e zonja. Thirrën një shart…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë