Fjalori
SHËROHEM

►SHËR/ÓHEM jovep., ~ÓVA (u), ~ÚAR 1. vetv. Më kalon sëmundja e më rikthehet shëndeti; më mbyllet një plagë, shëndoshem, kurohem; kund. sëmurem. U shërua më shpejt se mendohej. Është shëruar plotësisht. Nuk i është shëruar mirë plaga. Iu shërua e vrara.
2. vetv., fig. Më largohet një dhembje shpirtërore a një brengë. M’u shërua shpirti. U shërova kur të pashë. Plagë që nuk shërohen lehtë.
3. vetv., fig. çlirohem nga një ves i keq, përtërihem. U shërua e nuk pi më.
4. pës. e SHËRÓJ. Djali u shërua nga kujdesi i mjekëve. U shërua nga vëmendja e fëmijëve për të.
✱Sin.: shëndoshem, shëndetësohem, mjekohem, kurohem, përtërihem, ngjallem.

Rezultate të tjera nga lematizimi ose nga ngjashmëria me formën përfaqësuese: SHËROJ
SHËROJ

SHËR/ÓJ vep., ~ÓVA, ~ÚAR kal. 1. I rikthej shëndetin dikujt, ia largoj një sëmundje; bëj që të mbyllet një plagë duke e mjekuar, shëndosh, ngjall, mjekoj; kund. sëmur. Shëroj një të sëmurë. E shëroi nga një sëmundje e rrallë. Shëroj qenin (macen). I shëroi të prerën e thellë.
2 fig. E çliroj dikë nga një dhembje shpirtërore a një brengë. Ilaçet nuk e shërojnë brengën. Dashuria i shëron plagët. Ky fëmijë të shëron.
3. fig. Bëj që dikush të heqë dorë nga veset e këqija, nga mendime e nga pikëpamje të gabuara etj., e shëndosh. Dënimi të shëron. Ndëshkimi nuk mund të shërojë gjithmonë. Ai djalë duhet shëruar.
4. fig. Rimëkëmb diçka, i gjej zgjidhje një problemi. Shëroj ekonominë. Shëroj papunësinë.
✱Sin.: shëndetësoj, shëndosh, mjekoj, kuroj, ngre, ngjall, qetësoj, përmirësoj, përthaj.
♦ I shëroj *plagën (dikujt).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë