Fjalori
SHËNJUES

SHËNJÚES,~I m. sh. ~, ~IT usht. Ushtari që gradon veglat e shënjimit për të përcaktuar drejtimin e qitjes. Shënjues i pagabueshëm. Shënjuesi i armës (i topit, i mitralozit, i mortajës). Shënjues me disa vite eksperiencë.

SHENJUES

SHENJÚES,~E mb. 1. Që shërben për të shenjuar dikë a diçka, tregues. Gisht shenjues. U vendos një pllakë shenjuese në murin e shtëpisë-muze. Tabelë shenjuese.
2. Që lë shenjë. Spërkatës shenjues. Mekanizëm shenjues.
3. gjuh. Që përfaqëson imazhin akustik të shenjës gjuhësore; ana e jashtme, materiale e saj (që përfshin tingujt, fonemat etj.). Njësi shenjuese. Fjala ka funksion shenjues. Rrafshi shenjues.
4. fig. Që ka lënë gjurmë, që është veçuar a dalluar nga fenomenet a objektet e tjera. Procese shenjuese. Moment shenjues në jetën e saj. Udhëheqës shenjues.
✱Sin.: tregues, dëftues, përfaqësues.

SHENJUES

SHENJÚES,~I m. sh. ~, ~IT 1. Ai që ka shenjë në qitje me armë, shenjëtar, nishanli. Ishte shenjues i zoti. Shenjues me përvojë. Ishte stërvitur si shenjues.
2. Mjet, objekt, që shërben për të shënuar mbi diçka a për të mbajtur shenjë (në një libër, në ndërtim etj.). Shenjues librash. Shenjues me ngjyra. Shenjues për punimin e pllakave. Shenjues metalik.
3. gjuh. Entitet që përfaqëson imazhin akustik, ana e jashtme e shenjës gjuhësore (që përfshin tingujt, fonemat etj.); simbol. Shenjues tingullor. Shenjues i pamotivuar. Për një shenjues mund të ketë më shumë se një të shënuar. Karakteri arbitrar i shenjuesit.
4. fig. Ai që është përfaqësues i një cilësie, ideje etj., që e simbolizon atë. Shenjues kulturor. Shenjues estetik. Bartës dhe shenjues i historisë.
✱Sin.: shenjëtar, gjuetar, qitës, nishanli, sytar, tregues, dëftues, simbol.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë