Fjalori
SHËNJOJ

SHËNJ/ÓJ vep., ~ÓVA, ~ÚAR usht., kal. dhe jokal. Marr shenjë me armë, drejtoj armën në shenjë, marr vijën e shënjimit. Shënjon mirë. Shënjoi mbi dhjetën. Shënjoi tri herë. Shënjoj në shenjë (në objektiv).
✱Sin.: shtie, qes, gjuaj, qëlloj.

SHENJOJ

SHENJ/ÓJ vep., ~ÓVA, ~ÚAR kal. 1. I vë shenjë diçkaje, e bëj me shenjë diçka, caktoj, përzgjedh. Shenjuan drurët që do të priten. Shenjoi shtëpitë që do të shembeshin.
2. Marr shenjë me armë. E shenjoi në ballë. Shenjoi në qendër.
3. Jep shenjat e para të pjekjes, e bën të piqet një pemë; përshenj. Korriku shenjoi pak rrushin. Dielli i majit i shenjoi qershitë.
4. Fejoj; ndërroj shenjat. E shenjoi djalin. Shenjoj vajzën këtë verë.
5. Përzgjedh dikë për një punë, caktoj. Fshati e shenjoi atë për ta kryer detyrën. Kishin shenjuar dy vetë si përfaqësues të senatit.
6. fig. Ka rëndësi a vlerë, lë gjurmë (zakonisht një ngjarje, një fakt) në jetën e dikujt. Ajo ngjarje ka shenjuar jetën e tij. Ky term shenjon traditën në gjuhën shqipe.
7. gjuh. Përfaqëson një domethënie të caktuar, një koncept, kuptoj, tregoj. Fjala “gjellë” shenjonte dikur “jetën”. Ngjyra e gjelbër shenjon shpresë. Shenjoj diçka nga realiteti.
✱Sin.: caktoj, përzgjedh, shenj, përshenj, laron, laracon, kuptoj, tregoj.

Rezultate të ngjashme

SHËNJOHET

►SHËNJ/ÓHET jovep., ~ÚA (u), ~ÚAR usht., vet. v. III, pës. e SHËNJÓJ. Shënjohet me armë. U shënjua në shenjë. U shënjua dy herë rresht.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë