Fjalë që fillojnë me...
Fjalë me të njëjtat parashtesa ose tema fjalëformuese.
SHËNDÓSHË (i, e) mb. 1. Që ndihet a ka shëndet të plotë, që nuk vuan nga ndonjë sëmundje apo ndonjë lëndim, që është i fortë nga trupi (për qeniet e gjalla dhe për organet e tyre); kund. i sëmurë. Fëmijë i shëndoshë. Fizik i shëndoshë. Mëlçi e shëndoshë. Dhëmbë të shëndoshë. Mendje e shëndoshë në trup të shëndoshë. (fj. u.).
2. Që është i mbushur në trup, i bëshëm; që ka shtuar peshë, i dhjamosur. Djalë i shëndoshë. Vajzë e shëndoshë. Me krahë të shëndoshë.
3. Që është i paprekur nga ndonjë sëmundje, i padëmtuar, i rritur e i zhvilluar mirë (për bimët); që jep prodhim. Ullinj të shëndoshë. Perime të shëndosha. Filiza të shëndoshë. Fruta të shëndosha. Farë e shëndoshë. Tokë e shëndoshë.
4. Që është i fortë, që mban, që nuk thyhet a nuk prishet lehtë, i fortë, i qëndrueshëm; kund. i dobët. Trup (peme) i shëndoshë. Rrënjë lisi të shëndosha. Tra i shëndoshë. Themele të shëndosha. Orendi të shëndosha.
5. fig. Që mbështetet në të dhëna e në parime të drejta, që i qëndron kohës, i fortë, i drejtë. Besim i shëndoshë. Pozitë e shëndoshë. Ekonomi e shëndoshë. Rini e shëndoshë. Miqësi (dashuri) e shëndoshë. Lidhje të shëndosha. Familje e shëndoshë.
6. fig. Që ka themel të thellë e të sigurt, me baza; i fituar pas një pune a studimi të gjatë dhe i provuar në jetë; që nuk lëkundet lehtë, i palëkundur. Arsimim i shëndoshë. Edukim i shëndoshë. Formim i shëndoshë. Drejtim i shëndoshë. Zgjidhje (mendime) të shëndosha. Parime të shëndosha. Traditë e shëndoshë.
7. fig. Që është i drejtë, i arsyeshëm, i mbështetur në fakte e në prova, i bazuar; i fortë, i thellë; që është i aftë të gjykojë mirë e drejt. Logjikë e shëndoshë. Proces i shëndoshë. Mendje e shëndoshë. Argument (gjykim, mendim) i shëndoshë. Kritikë e shëndoshë. Vendim i shëndoshë. Vlerësim i shëndoshë.
8. fig. Që ngrihet mbi parime të drejta, që u qëndron besnik këtyre parimeve; që shtron dhe zgjidh drejt probleme të rëndësishme të kohës. Administratë e shëndoshë. Grup i shëndoshë. Përbërje e shëndoshë. Qeverisje e shëndoshë. Frymë e shëndoshë. Brumë i shëndoshë. Pjesa më e shëndoshë e shoqërisë.
9. Që është shumë i fortë, që bëhet me gjithë fuqinë, i fuqishëm. Gjuajtje (goditje) e shëndoshë. Shkelmim i shëndoshë. I dha një dackë të shëndoshë. Hëngri një dru të shëndoshë e rrahën shumë.
10. fig., bised. Që e ruan të plotë e të pandryshuar vlerën e saj në një kohë të caktuar, që ka qëndrueshmëri, që ka fuqi blerëse të madhe (për monedhën), e fortë, e qëndrueshme. Euroja është e shëndoshë. Sistem monetar i shëndoshë. Dollari ka qenë i shëndoshë gjatë kësaj periudhe.
11. Që është pa hile; kund. mashtrues. Mos dysho tek ai se është i shëndoshë dhe nuk ka hile. Djalë i shëndoshë e i pastër.
✱Sin.: i shëndetshëm, faqembushur, faqerrumbullak, qyp, qafëderr, qafëtrashë, qafëshkurtër, i ngjallur, i dhjamur, i dhjamosur, i mbushur, i bëshëm, dërdëng, i ngjeshur, i plotë, topolak, trupmbushur, shishman, i kërthndezur, sakllam, i majmë, i majmur, i plotë, i rrumbullakët, i fryrë, bullafiq, topç.
SHËNDÓSH/Ë,~I (i) m. sh. ~Ë, ~ËT (të) Ai që ndihet i shëndetshëm a që është shëruar nga ndonjë sëmundje; ai që është i mbushur në trup. Lëreni të kalojë i shëndoshi. I shëndoshi doli i gëzuar nga spitali.
✱Sin.: faqerrumbullak, qyp, qafëderr, qafëtrashë, qafëshkurtër, dërdëng topolak, shishman, sakllam.
SHËNDÓSHË,~A (e) f. sh. ~A, ~AT (të) Ajo që ndihet e shëndetshme a që është shëruar nga ndonjë sëmundje; ajo që është e mbushur në trup. E shëndosha flinte gjithë ditën. E shëndosha nuk ngopej me ushqimin.
✱Sin.: e shëndetshme, faqembushur, faqerrumbullake, qype, e dhjamur, e dhjamosur, e mbushur, e bëshme, e ngjeshur, e plotë, topolake, trupmbushur, shishmane, e kërthndezur, sakllame, e majmë, e majmur, e plotë, e rrumbullakët, e fryrë, bullafiqe, topçe.
♦ I dha (i hoqi) një *dru (një hu) të shëndoshë (të mirë) (dikujt).
SHËNDÓSHË ndajf. 1. Me shëndet të mirë, jo sëmurë. Shëndoshë si molla. E gjeta shëndoshë e mirë. Qofshi shëndoshë! Vetë shëndoshë! fjalë ngushëllimi në rast vdekjeje ose kur dikush humbet diçka shumë të shtrenjtë në rast fatkeqësie.
2. Pa pësuar gjë, pa pasur ndonjë lëndim; shëndoshë e mirë. Ardhsh (u kthefsh) shëndoshë! Shpëtoi shëndoshë.
3. si kallëzues., bised. Të rrojë, qoftë me jetë a me shëndet të plotë. Shëndoshë ne! Shëndoshë krahët (shpatullat)!
✱Sin.: pëllua, mirë, bukur, qefull.
♦ Vafsh shëndoshë (ti)! ti je në rregull, i ke punët mirë, je fare mirë e të lumtë! Vetë shëndoshë! iron. tani që e humbe diçka, mos u mërzit e mos e kërko kot, të iku nga duart e s’ke për ta fituar më; punë e madhe se humbi a se u thye!
SHËNDÓSH vep., ~A, ~UR kal. I kthej shëndetin një të sëmuri, e shëroj, i jap fuqi; e bëj që të mbyllet një plagë; kund. lig. Ia shëndoshi krahun (dorën, këmbën, syrin). E shëndoshi mjeku me ilaçet që i dha.
2. E bëj dikë të shtojë në peshë, e ngjall. Sheqernat të shëndoshin. E kishin shëndoshur brumërat. Frutat që nuk ju shëndoshin.
3. vet. v. III E pasuroj, e bëj me pjellore (për tokën). Shëndosh tokën me plehra. E shëndosh tokën në pranverë.
4. vet. v. III E forcoj, e bëj të fortë. E shëndosh shtëpinë. I shëndoshi themelet.
5. fig. Qetësoj një plagë shpirtërore, lehtësoj, heq një dyshim ose merak; çliroj prej një detyrimi. Ia shëndoshi zemrën. Gjarpri e shëndosh varrën me helmin e vet. (fj. u.).
6. fig. E kthej në gjendje të mirë, e përmirësoj, e bëj të shëndoshë e të fortë. Shëndosh gjendjen. Ajo masë nuk e shëndosh ekonominë. U përpoq ta shëndoshë lidhjen e tyre. I shëndosh kryet dikujt i shkoj dikujt për ngushëllim, i vete për kryeshëndoshë. I shëndosh zemrën i rikthej besimin dikujt te dikush a te diçka.
♦ Vafsh shëndoshë (ti)! ti je në rregull, i ke punët mirë, je fare mirë e të lumtë! Vetë shëndoshë! iron. tani që e humbe diçka, mos u mërzit e mos e kërko kot, të iku nga duart e s’ke për ta fituar më; punë e madhe se humbi a se u thye!
✱Sin.: shëroj, ngjall, majm, dhjamos, fryj, fuqizoj, shëndetësoj, shëroj, këndell, pasuroj, përmirësoj, forcoj, mbush.
SHËNDÓSH vep., ~A, ~UR kal. I kthej shëndetin një të sëmuri, e shëroj, i jap fuqi; e bëj që të mbyllet një plagë; kund. lig. Ia shëndoshi krahun (dorën, këmbën, syrin). E shëndoshi…
Shfaq përkufizimin e plotë →►SHËNDÓSH/EM jovep., ~A (u), ~UR 1. vetv. Më rikthehet shëndeti, bëhem i shëndoshë, shërohem (pas një sëmundjeje); më mbyllet një plagë; kund. ligem. U shëndosh krejtësisht. Iu shë…
Shfaq përkufizimin e plotë →SHËNDÓSHJ/E,~A f. vet. nj. 1. Procesi i rifitimit të shëndetit pas një sëmundjeje, shërim. Shëndoshje e plotë. Ishte drejt rrugës së shëndoshjes.2. Procesi e dhjamosjes së trupit, …
Shfaq përkufizimin e plotë →SHËNDÓSHUR (i, e) mb. 1. Që është a ndihet i shëruar fizikisht; plagë e shëruar; kund. i sëmurë. Varrë e shëndoshur. U kthye i shëndoshur nga klinika. Plagë e shëndoshur.2. Që ësht…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë