Fjalori
SHËMTUAR

SHËMTÚAR (i, e) mb. 1. Që është nga ana estetike i papëlqyeshëm, që nuk është i bukur, që nuk ta pëlqen syri; kund. i bukur. Djalë i shëmtuar. Mace e shëmtuar. Kravatë e shëmtuar. Pamje e shëmtuar. Flokë të shëmtuar. Veshje e shëmtuar.
2. fig. Që është i neveritshëm, i përbindshëm, që të përqethet shtati kur e shikon, e dëgjon a e kujton; që lidhet me një ngjarje të dhimbshme, që është moralisht i pahijshëm. Histori e shëmtuar. Çaste të shëmtuara. Skenë e shëmtuar. Veprim i shëmtuar. Ves i shëmtuar. Fjalë të shëmtuara. Emër i shëmtuar. Tingull i shëmtuar. Lojë e shëmtuar. Vargje të shëmtuara.

SHËMTUAR

SHËMTÚAR (i),~I m. sh. ~Ë, ~ËT Ai që nuk është i bukur. Ndoqi filmin “I shëmtuari”. U takuan i shëmtuari me bukuroshen. I shëmtuari e kishte fituar konkursin.
✱Sin.: i pështirë, i neveritshëm, i përbindshëm, i përçudshëm, çerep.

SHËMTUAR

SHËMTÚAR,~A (e) f. sh. ~A, ~AT (të) 1. Ajo që nuk është e bukur, shëmtirë; bullubreshkë. E shëmtuara kishte vendosur të mos dilte në rrugë. Mes shoqesh ishte edhe e shëmtuara. Ajo e shëmtuara ia kishte bërë të zezën.
2. filoz. Veti objektive e sendeve dhe e dukurive që janë të zhvilluara në mënyrë jo të harmonishme e të rregullt në llojin e tyre dhe që nuk të japin kënaqësi; të qenët i shëmtuar; kund. e bukura. E bukura dhe e shëmtuara.
✱Sin.: shëmtirë, bullubreshkë.

SHËMTUAR

SHËMTÚAR ndajf. Në mënyrë të pahijshme, në mënyrë të shëmtuar, keq; kund. bukur. Po luante shëmtuar. I lidhën telat shëmtuar. Kishte pikturuar aq shëmtuar.
✱Sin.: keq, keqas, pështirë, mbrapsht.

Rezultate të tjera nga lematizimi ose nga ngjashmëria me formën përfaqësuese: SHËMTOJ
SHËMTOJ

SHËMT/ÓJ vep., ~ÓVA, ~ÚAR kal. 1. Ia ndryshoj tiparet duke ia prishur pamjen a bukurinë, e bëj të mos e pëlqejnë të tjerët; e prish; kund. zbukuroj. E shëmtoi sëmundja. Stuhia e shëmtoi pyllin. Plehrat e shëmtojnë pamjen e qytetit.
2. Shtrembëroj fytyrën, ngërdheshem në shenjë mospëlqimi ose nga një ndjenjë e pakëndshme. Shëmtoi fytyrën. E shëmtoi çehren pa folur.
3. fig. Lë shkretë, pa njeri; i heq dikujt a diçkaje gëzimin dhe kënaqësinë e jetës. Iku e na shëmtoi konakun. Na e shëmtoi jetën.
✱Sin.: përçudnoj, çudoj, përkeq, shformoj, shfytyroj, shpërfytyroj, shkalavesh, prish.

Rezultate të ngjashme

SHËMTUES

SHËMTÚES,~E mb. Që shëmton dikë a diçka; që shkakton shëmtim. Krim shëmtues. Fenomen shëmtues. Pamje shëmtuese.✱Sin.: përçudnues, zvetënues, prishës, shthurës, zvetënues, përdhosës…

Shfaq përkufizimin e plotë →
SHËMTUESHËM

SHËMTÚESH/ËM (i), ~ME (e) mb., libr. Që është i shëmtuar, që të shëmton a mund të të shëmtojë. Mënyrë e shëmtueshme e sjelljes. Ngjarje e shëmtueshme. Vendimi më i shëmtueshëm në h…

Shfaq përkufizimin e plotë →
SHËMTUESHËM

SHËMTÚESHËM ndajf. Në mënyrë të shëmtuar. Mbeti duke kërcyer shëmtueshëm. Aktron shëmtueshëm. Dhoma ishte lyer edhe më shëmtueshëm.✱Sin.: keqas, mbrapsht, përçudshëm.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë