Fjalori
SERE

SÉR/E,~JA f. sh. ~E, ~ET Dërrasë katrore, mbi të cilën qeleshepunuesi shtrin leshin dhe e ngjesh duke e rrahur për ta bërë plis. Punonte gjithë ditën mbi sere. Seret i kishte trashëgim nga i ati.

SERË

SÉR/Ë,~A f. sh. ~A, ~AT kim. Formë natyrore e naftës, shumë veshtullore ose gjysmë e ngurtë dhe e ngjitshme, me ngjyrë të zezë, që digjet me flakë të shndritshme e përdoret për shtrimin e rrugëve, bitum natyror. Serë e pastër. Kishte disa fuçi me serë. Punonte në një minierë sere.
✱Sin.: zift, asfalt.

SËRË

SË́R/Ë,~A f. sh. ~Ë, ~ËT 1. bised. Radhë, varg. Një sërë ndërtesash. Morën një sërë masash. U trajtuan një sërë çështjesh. Renditi tri sërë librash. Një sërë shkrimtarësh një varg shkrimtarësh, disa shkrimtarë. E ka sërën ai tani. Rri në sërë. Doli nga sëra. Më në fund më erdhi sëra.
2. bised. Rast, mundësi. Kur t’ia gjejë sërën. Do të flasë kur t’i vijë sëra. S'më doli sëra ta bëja këtë punë.
3. bised., vjet. Klasë a shtresë shoqërore, kategori njerëzish. Është nga sëra jonë. I vlerësonin sipas sërës. Jemi të një sëre. Nuk ishte i sërës së tij.
✱Sin.: grup, dorë.
♦ Merr nga dhjetë sërë (dikush) keq. nxiton e bën një punë të papjekur; nuk i mendon mirë gjërat, është i nxituar; është si era e malit; e ka mendjen veri; fluturon në hava; aq i arrijnë litarët (dikujt) tall.

Rezultate të ngjashme

SERENADË

SERENÁD/Ë,~A f. sh. ~A, ~AT 1. Këngë e shoqëruar me vegla muzikore (zakonisht me kitarë e mandolinë), që këndohet përgjithësisht nën dritaret e së dashurës së zemrës. Serenadë me k…

Shfaq përkufizimin e plotë →
SEREZIJAFET

SEREZIJAFÉT,~I m. sh. ~E, ~ET Drekë apo darkë e shtruar me gjithë të mirat. Kishin një serezijafet. Na ftuan në një serezijafet. Ishin lodhur me serezijafete.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë