Fjalë që fillojnë me...
Fjalë me të njëjtat parashtesa ose tema fjalëformuese.
SEND,~I m. sh. ~E, ~ET 1. Diçka lëndore konkrete e botës jo të gjallë, që rroket nga shqisat si trup i veçantë, gjë. Sendet rreth nesh. Emra sendesh. Sendet, dukuritë dhe qeniet. Trajta e një sendi. Llogaritni përmasat e sendeve.
2. filoz. Diçka lëndore ose dukuri e realitetit objektiv, që ekziston pavarësisht nga ndërgjegjja. Nuk ka sende në vetvete.
3. Diçka e nevojshme për jetesë a që hyn në punë e përdoret në jetën e përditshme; gjë. Sende të nevojshme. Sende artistike. Sende zbukurimi. Kujdesej për sendet e shtëpisë. I ruante sendet me vlerë. Duhet të hash patjetër ndonjë send.
4. Dukuri e jashtme; rezultat i një veprimtarie, punë, rrethanë, gjë. Logjika e sendeve. Natyra e sendeve. Një send e kemi të qartë. Thuaj ndonjë send! Këto janë sende të papëlqyeshme.
5. drejt. Diçka që mund të përvetësohet, të dëmtohet etj., plaçkë, mall. Send pa zot. Sende të vjedhura. Policia sekuestroi sendet e gjetura në vendngjarje.
6. bised., euf. Sëmundje e papritur a dobësi e menjëhershme që e godet njeriun; damlla, pikë. I ra një send. Për pak nuk i ra një send. Hyr në hije se po të gjen një send.
7. euf. Organi gjenital. I tregoi atë sendin.
♦ E kanë lënë (e kanë lëshuar) sendet (dikë) shih i kanë rrjedhur trutë (dikujt).
SENDÁR,~E mb., vjet. Konkret. Emër sendar. Ky është një veprim sendar.
Shfaq përkufizimin e plotë →SENDEGJË́ pacak. Gjë. Për të ishte sendegjë e parëndësishme. E mbante si të ishte sendegjë pa vlerë.✱Sin.: gjësend, gjëkafshë.
Shfaq përkufizimin e plotë →SENDÍSHT ndajf. Si send, objektivisht. Kjo është sendisht e krahasueshme. Vlerëson situatën sendisht. ✱Sin.: objektivisht, paanësisht, vërtetësisht, vetiu, vetvetiu.
Shfaq përkufizimin e plotë →SENDÓN,~I m. sh. ~Ë, ~ËT Mbulesë a çarçaf i bardhë. Hodhi sipër sendonin e sapolarë.
Shfaq përkufizimin e plotë →SENDÓR,~E mb. Që lidhet me sendet, i sendeve. Nocione sendore. Kuptim sendor (gjuh.) kuptim lëndor. Bota sendore nuk i interesonte shumë.✱Sin.: lëndor, material, fizik, i lëndët, k…
Shfaq përkufizimin e plotë →SENDSÉRI ndajf. Me çuditje, habi të madhe. Po shihte sendseri aty. Pse të vjen sendseri kur merr këtë përgjigje?✱Sin.: çuditje, habitje, shtangie, ngurosje, topitje.
Shfaq përkufizimin e plotë →SENDTH,~I m. sh. ~E, ~ET Gjë, send. Sendth i keq që nuk dihet gjë. Mblidhi sendthet e tua dhe largohu. ✱Sin.: teshë, rrangull, plaçkë, mall, reshte.
Shfaq përkufizimin e plotë →SENDËRÍ,~A f. Sendësi. E vetmja qenie e gjallë midis asaj sendërie.
Shfaq përkufizimin e plotë →SENDËSÍ,~A f., gjuh. 1. Të qenit send. Fjalë që shpreh sendësi. Emra që shprehin sendësi.2. Tërësi sendesh. Pronësia mbi sendësinë duhet provuar.
Shfaq përkufizimin e plotë →SENDËZÍM,~I m. sh. ~E, ~ET Veprimi kur sendëzoj a sendëzohet. Procesi i sendëzimit. Piramida po e humbte hijen e rëndë, për shkak të sendëzimit të saj. Teknologjia është bërë mjeti…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë