Fjalori
SELITEM

►SELÍT/EM jovep., ~A (u), ~UR vetv. 1. Vendosem diku me banim të përhershëm, zë vend diku. U selitën të shpërngulurit. U selitën përgjithmonë në fshat. U martuan dhe u selitën ngritën familje, çelën shtëpi.
2. Përmirësoj gjendjen ekonomike, vë pasuri. Qenë selitur mirë. Me punë do të selitemi dhe ne.
3. vet. v. ІІI Ngulitet, zë vend. Seliten zakonet e reja.
4. Rritet mirë një njeri, një pemë, një bimë, lëshon shtat, hedh shtat. Iu selitën fëmijët. Janë selitur me përkrahjen e tij.
5. pës. e SELÍT.
✱Sin.: mëkëmbem, rregullohem.

Rezultate të tjera nga lematizimi ose nga ngjashmëria me formën përfaqësuese: SELIT
SELIT

SELÍT (SELÍS) vep., ~A, ~UR kal. 1. Mbjell një pemë a një bimë dhe i bëj shërbim që të rritet. Selit pemën. E kishte selitur vreshtin. Selit bimë të dobishme.
2. fig. Rrit me kujdes të veçantë dikë a diçka që të zhvillohet sa më mirë. E rriti dhe e seliti vajzën. Rrit dhe selit brezin e ri. Kjo revistë ka selitur rubrikën e talenteve të reja.
3. Vendos dikë në një vend të ri për të banuar. Të ardhurit i selitën pranë fshatit. Këtu do të seliten emigrantët.
4. fig. Ngulit te dikush ndjenja e mendime të caktuara, duke ndikuar me fjalë e me shembullin vetjak. I selit ndjenja fisnike. U selit fëmijëve krenarinë kombëtare. Ajo nuk selit sjelljet e hijshme. Autori selit shprehjen figurative.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë