Fjalori
SAHAT është rezultat nga lematizimi ose nga ngjashmëria me kërkimin tuaj sahati.
SAHAT

SAHÁT,~II m. sh. ~Ë, ~ËT bised. 1. Vegël e posaçme për të matur kohën, që përbëhet nga një mekanizëm me kurdisje dhe nga një fushë e ndarë në dymbëdhjetë pjesë të barabarta, mbi të cilën rrotullohen akrepat e mekanizmit. Sahat dore (xhepi). Sahat muri. Ishte fiksuar pas një sahati elektronik. Fusha e sahatit. Akrepat e sahatit. Zembereku i sahatit. Kurdis sahatin. Sa e ke sahatin? Ecën para (prapa) sahati. Ka mbetur sahati është ndalur e nuk punon.
2. Kullë e lartë me fusha ore në të katër anët për të parë kohën. Sahati i Tiranës është simboli i qytetit. Lulishtja pranë sahatit duhet të mirëmbahet. Takimin e lamë te sahati.
3. tek. Vegël për të matur sasinë e energjisë elektrike që shpenzohet a sasinë e diçkaje tjetër që rrjedh; njehsor. Vendosën një sahat të ri elektriku. Sahati i ujit nuk punonte mirë. Sapo u vendosën sahatet e reja.
✱Sin.: orë, numërator, numëratore, matës.
♦ M’u bë sahati (ora) *mot. Ra sahati (*ora) (për diçka). I bie sahati (*ora) shtatë (dymbëdhjetë, tetë) (dikujt), *Bombë me sahat. Është në sahat të lig (dikush) shih është në orë të keqe (dikush). *Minë me sahat. Një sahat (një *orë) e më parë. Vete (ecën) sahat (diçka) shkon puna shumë mirë, çdo gjë bëhet normalisht e në kohën e duhur, me rregull e pa u ndalur. I erdhi sahati (*ora) (dikujt a diçkaje). Mos të zëntë sahati! mallk. vdeksh! Nuk e zë sahati (*ora) (dikë a diçka).

SAHAT

SAHÁT,~III m. sh. ~Ë, ~ËT bised. 1. Njësia e kohës e barabartë me një të njëzetekatërtën pjesë të ditës e të natës. Një sahat plot e priti. Tjetri i kërkoi pesë sahat kohë për t’u menduar. Bëri gjashtë sahat rrugë. Ka dy sahat që ka ardhur. U ngrit me dy sahat natë u çua pa zbardhur drita.
2. Një kohë e caktuar kur bëhet a ndodh diçka. Të kishte vdekur në atë sahat. S'ka ardhur sahati. Ruan sahatin për të vepruar. I erdhi sahati i lig (i zi). Në sahatin e vdekjes u pendua në çastin e fundit para vdekjes. Ardhtë sahati i bardhë!
✱Sin.: orë, kohë, çast.

SAHAT

SAHÁT ndajf. Shumë mirë, saktë e me siguri. Atij po i ecin punët sahat. Motori i makinës së re punon sahat. Plani i mirëmenduar po shkon sahat.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë