Fjalë që fillojnë me...
Fjalë me të njëjtat parashtesa ose tema fjalëformuese.
SAHÁN,~I m. sh. ~Ë, ~ËT 1. Enë gjelle prej bakri si pjatë e thellë. Sahan bakri. Kishte një sahan të kallajisur. Sofër me një sahan të madh të drunjtë me kaçamak. E shtiu gjellën në sahan. Lau të gjithë sahanët.
2. Sasia e gjellës që nxë kjo enë. Hëngri një sahan me përshesh.
✱Sin.: çanak, pjatë, misur.
♦ Janë të një sahani keq. kanë mendime e qëllime të këqia të njëjta, veprojnë e bashkëpunojnë ngushtë. I ka sahanët pa *kapak (dikush). Lëpin sahanët (çanakët) (e dikujt) keq. i shërben verbërisht e me përulësi dikujt, rron me lëmoshën e tij dhe bën çfarë të kërkojë ai. Ta merr kafshatën nga *sahani (dikush) shih ta merr kafshatën nga goja (dikush). Ka ngjyer në një sahan (me dikë) keq. është përzier në punë të liga dhe ka përfituar diçka prej kësaj; ka marrë diçka edhe ai me rrugë jo të ndershme, është i përlyer bashkë me dikë; e ka ngjyer kafshatën (dikush); e ka ngjyer gishtin (dikush); i ka lyer buzët (dikush); i ka lyer (i ka përlyer) duart (dikush).
SAHANLLÁK,~U m. Inat. Kur e kap sahanllaku, mos iu afro. Nuk ia di ti sahanllakun e tij. Kur t’i kalojë sahanllaku, do të flas me të.✱Sin.: nevrikosje, zemërim, vrer, zburth, duf, …
Shfaq përkufizimin e plotë →SAHANLËPÍRJ/E,~A f. sh. ~E, ~ET përb. Të jetuarit me ç'të japin të tjerët, duke iu servilosur atyre e duke iu bërë lajka verbërisht dhe me përulësi. Nuk do të jem pjesë e pazareve …
Shfaq përkufizimin e plotë →SAHANLËPÍRËS,~E mb., përb. Që rron me japin të tjerët, duke iu servilosur atyre e duke iu bërë lajka verbërisht dhe me përulësi. Politika sahanlëpirëse. Kjo ideologji sahanlëpirëse…
Shfaq përkufizimin e plotë →SAHANLËPÍRËS,~I m. sh. ~, ~IT përb. Ai që është sahanlëpirës. Të lumtë ty dhe sahanlëpirësve. Ai nuk e meriton të bëhet pis nga sahanlëpirësit. E quajti sahanlëpirës dhe dështak.✱S…
Shfaq përkufizimin e plotë →SAHÁT,~II m. sh. ~Ë, ~ËT bised. 1. Vegël e posaçme për të matur kohën, që përbëhet nga një mekanizëm me kurdisje dhe nga një fushë e ndarë në dymbëdhjetë pjesë të barabarta, mbi të…
Shfaq përkufizimin e plotë →SAHÁT,~III m. sh. ~Ë, ~ËT bised. 1. Njësia e kohës e barabartë me një të njëzetekatërtën pjesë të ditës e të natës. Një sahat plot e priti. Tjetri i kërkoi pesë sahat kohë për t’u …
Shfaq përkufizimin e plotë →SAHÁT ndajf. Shumë mirë, saktë e me siguri. Atij po i ecin punët sahat. Motori i makinës së re punon sahat. Plani i mirëmenduar po shkon sahat.
Shfaq përkufizimin e plotë →SAHATEPÁRA ndajf., bised. Sa më parë. Të kanë thirrur në drejtori sahatepara, nisu! Sahatepara do të fillosh punën e re.
Shfaq përkufizimin e plotë →SAHATXHI,~U m. sh. ~NJ, ~NJTË Sahatçi. Të atin e kishte pasur sahatçi.
Shfaq përkufizimin e plotë →SAHATÇÍ,~U m. sh. ~NJ, ~NJTË bised. Orëndreqës. Vegla artizanale sahatçinjsh. Rruga e sahatçinjve është rikonstruktuar. E çoi orën te sahatçiu i vjetër i qytetit.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë