Fjalë që fillojnë me...
Fjalë me të njëjtat parashtesa ose tema fjalëformuese.
RROK vep., ~A, ~UR kal. 1. Kap dikë a diçka dhe e shtrëngoj ose e mbaj fort. Ia rroku dorën me ngrohtësi. E pati rrokur për beli. Portieri kundërshtar e rroku topin me shpejtësi.
2. Përqafoj dikë. E rroku në grykë. E rroku dhe e puthi.
3. Kap diçka me vrull e shpejt, e marr shpejt për të bërë diçka me të; rrëmbej. Rroku penën që të shkruante një poezi. Do të rrokte çekiçin e madh të thërrmonte gurin.
4. vet. v. III E përfshin në fushën e vet ose nën ndikimin e vet, e kap; e zë; e rreh. Atë kodër e rrok era. E rroku dielli gjithë pasditen. Sëmundja e rroku dhe e ligështoi.
5. E përfshij në fushën e pamjes, ma zë syri, e kap me vështrim. E rroku me sy nxënësin e ri. Nuk ia rroku vështrimi. Rrok pamjen menjëherë.
6. fig. Kap dhe trajtoj në një mënyrë, e bëj objekt shqyrtimi, flas ose shkruaj për diçka. Studimi i tij rrokte një temë interesante. E rroku me një vështrim të përgjithshëm.
7. fig. Arrij ta kuptoj, e marr vesh domethënien e diçkaje, e kap. E rroku menjëherë mësimin. S’ma rrok mendja. I rrokte mendimet e vartësve dhe i respektonte.
8. Arrij ta prek; çik, takoj. E rroku lehtas. E rroku një plumb. Rrok shenjën e qëlloj, i bie shenjës.
9. Arrij deri në një moshë, mbush, zë. I ka rrokur vitet e tij.
10. edhe jokal. Prek në një send ose diku dhe ngec, ndesh në diçka që e pengon të lëvizë, zë. Rrok gurin e mullirit. Rroku në një pengesë.
✱Sin.: qëlloj, prek, cik, arrij.
♦ Rrok (rrëmbej) *armët. Sa s’i rrok (s’i merr) *kalemi. Nuk ta rrok (nuk ta kap) *mendja (diçka). Rrok *penën. Nuk ia rrok (nuk ia kap) *pëllëmba (diçka). Rrok (rrëmbej) *pushkën. S’ma rrok (s’ma kap) *syri (dikë a diçka). Sa të rrok (sa të kap, sa të zë) *syri.
RROK vep., ~A, ~UR kal. 1. Kap dikë a diçka dhe e shtrëngoj ose e mbaj fort. Ia rroku dorën me ngrohtësi. E pati rrokur për beli. Portieri kundërshtar e rroku topin me shpejtësi. 2…
Shfaq përkufizimin e plotë →RROK,~E mb. I papjekur (për pemët); i pazier a i papjekur (për mishin etj.). Rrush rrok. Mish rrok. I hante shumë gështenjat rroke.
Shfaq përkufizimin e plotë →RRÓKAS ndajf. Për mesi, belas. U kapën rrokas.✱Sin.: belas, trupazi.
Shfaq përkufizimin e plotë →RROKÁT (RROKÁS)I vep., ~A, ~UR kal. Ha fruta rrok, kryesisht gështenja të paziera a të papjekura, duke ua hequr lëvoren. I pëlqente të rrokaste gështenja.
Shfaq përkufizimin e plotë →RROKÁT (RROKÁS)II vep., ~A, ~UR 1. kal. Përplas, shkund, tund diçka. Rrokat plaçkat. Rrokaste kutinë me lodra. 2. fig. Matufos, çmend. E rrokati me vuajtjet që i kishte shkaktuar g…
Shfaq përkufizimin e plotë →RROKÁÇ,~I m. sh. ~Ë, ~ËT bot. Bari i bletës. Rrokaçi përdoret kundër disa sëmundjeve.
Shfaq përkufizimin e plotë →RRÓK/E,~JAI f. sh. ~E, ~ET 1. Stol i vogël prej druri. U ul në rroken pranë oxhakut.2. Mandall, rrokë. I vë rroken derës.✱Sin.: shkëmb, fron, ndenjëse.
Shfaq përkufizimin e plotë →RRÓK/E,~JAII f. sh. ~E, ~ET Lloj gështenje që qërohet lehtë nga cipa e hollë. Qëroi disa rroke.
Shfaq përkufizimin e plotë →RROKÉL,~I m. sh. ~Ë, ~ËT Rrotëz. Mbështolli penjtë në rrokel.✱Sin.: rrotë, rodhan, çikrik.
Shfaq përkufizimin e plotë →►RRÓK/EM jovep., ~A (u), ~UR 1. vetv. Kapem për qafe me dikë, përqafohem. U rrokën me dashuri. U rrok me njerëzit e vet. U rrokën e u puthën gjithë mall. 2. vetv. Kapem trup më tru…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë