Fjalë që fillojnë me...
Fjalë me të njëjtat parashtesa ose tema fjalëformuese.
RRJÉDH/Ё,~A f. sh. ~A, ~AT 1. Lëvizje e vazhdueshme e ujit të lumenjve e të përrenjve; rrymë uji që rrjedh në një shtrat. Rrjedha e lumit (e përroit). Shpejtësia e rrjedhës. Ka rrjedhë të fortë. Notoi kundër rrjedhës. Fshatarët e ndryshuan rrjedhën e përroit.
2. Shtrati i një lumi; vendi ku rrjedh një lumë, viset ku kalon një lumë. Rrjedha e sipërme e Drinit. Lumenjtë dolën nga rrjedha e tyre e zakonshme.
3. fig. Vazhdim i pandërprerë i kohës a i ngjarjeve; shtjellimi i dukurive në kohë; mënyra se si zhvillohet një ngjarje, një veprimtari a një dukuri; rrymë; ecuri. Rrjedha e kohës e kishte ndryshuar si njeri. Ndjek rrjedhën e ngjarjeve. Jeta vijon rrjedhën e saj.
4. fig. Burim, zanafillë. Rrjedha e dobësive (e të metave). Gjithçka e kishte rrjedhën tek ajo natë.
5. fig. Grumbull njerëzish, që ecin shpejt si rrymë a që derdhen si një masë e ngjeshur. Rrjedha e njerëzve mori përpara gjithçka.
✱Sin.: rrjedhje, shtjellë.
♦ E mori rrjedha. 1. (dikë a diçka). Po shkon gjithnjë keq e më keq; mori tatëpjetën (dikush a diçka). 2. (dikë). Shkon në një drejtim a vepron në një mënyrë sikurse të tjerët, jo me bindjen e vet; e mori vala; e mori rryma. Shkon kundër rrjedhës (dikush) shih shkon kundër rrymës (dikush).
RRJEDH vep., RRÓDHA, RRJÉDHUR jokal. 1. Ecën duke rrëshqitur mbi një sipërfaqe, derdhet teposhtë pareshtur si rrymë ose si curril (për ujin dhe lëngjet e tjera). Rrjedh lumi. Rrjedhin currilat. Uji rrodhi mbi pllakat e banjës. Rrjedh ngadalë (i qetë).
2. Del prej diku dhe derdhet lirisht; derdhet e përhapet diku ose mbush një vend. Uji rrodhi nga kroi. E bëri t’i rridhnin lot nga sytë. Djersa i rridhte çurg. I rrjedh gjak nga plaga.
3. E lë të kalojë ujin ose një lëng tjetër nëpër vrimat a të çarat, nuk e mban; kullon; pikon. Rrjedh kova dhe nuk e mban ujin. Çatia rrjedh në dy vende. I rrjedh gjiri. I rrjedhin hundët.
4. Kalon nëpër një vend, përshkon (për lumenjtë a përrenjtë). Një lumë rrjedh afër fshatit. Nëpër luginë rridhte një përrua i rrëmbyeshëm. Drini rrjedh nëpër Shqipërinë Lindore e Veriore.
5. fig. Kalon shpejt ose pa u ndier, vjen e shkon pa ndërprerje, rrëshqet (për kohën, për jetën); kalon në një mënyrë të caktuar ose në rrethana të caktuara. Rrjedhin ditët (muajt, vitet). Rrjedh jeta pa kuptuar. Rrjedh koha. Vitet (shekujt) që rrodhën më pas.
6. fig. Kalon a shtjellohet pa ndërprerje dhe pa u penguar, ecën varg lirisht (për fjalët, mendimet etj.). Fjalët i rridhnin lumë. Ngjarjet rrodhën shpejt. Biseda rridhte qetë-qetë.
7. E kam prejardhjen nga një popull, nga një fis, nga një familje ose nga një mjedis i caktuar. Rridhte nga një familje me tradita të Shqipërisë së Mesme.
8. fig. Buron, e ka prejardhjen apo vjen prej diçkaje tjetër; fig. lind si pasojë e diçkaje, vjen si përfundim i diçkaje, ndodh a lind nga një shkak; buron; del. Të dhënat rrodhën nga persona të panjohur. Nga ajo rrodhën të gjitha të këqijat. Të mirat që rrjedhin nga puna. Detyrimet që rrjedhin nga marrëveshja. Pasuri që rrjedhin nga veprimtari të dyshimta.
9. Mblidhet me shumicë në një vend nga anë të ndryshme, shkon shpejt si rrymë diku; derdhet si rrymë, si një masë e ngjeshur; rend me vrap, zbret shpejt diku. Rrodhi i gjithë qyteti në shesh. Studentët rrodhën grupe-grupe.
10. fig. Ngjet, ndodh; bëhet në një mënyrë të caktuar, zhvillohet. Si rrodhi ngjarja? Çdo gjë rrodhi ashtu siç ishte parashikuar. Si e qysh kishin rrjedhur punët?
11. fig. bised. Humbas aftësinë për të gjykuar qartë e në mënyrë të shëndoshë, matufosem. Kishte rrjedhur vitet e fundit. Rrodhi fare ky!
✱Sin.: shkon, shket, vërshoj.
♦ I rrjedh *goja (dikujt). I rrjedhin *hundët (dikujt) mospërf. I ka rrjedhur *lugu (dikujt). I ka rrjedhur *lumi (dikujt). Ka rrjedhur nga *mendja (dikush). Ku ka rrjedhur do të pikojë ai që ka pasur, vijon të gjejë ende ndonjë mjet a mënyrë për të siguruar disa të ardhura, qoftë edhe të pakta; ai që ka pasur shumë, do të ketë diçka, sado pak, edhe kur humbet; paraja vete te paraja. Në mos rrjedhtë do të pikojë sido që të jetë, do të dalë një përfitim sado i vogël; diçka do të marrësh; edhe po nuk fitove shumë, do të fitosh diçka. Rrodhën *qiejt. Më rrodhën *sytë. Ka rrjedhur shumë *ujë. Ka rrjedhur nga *trutë (dikush). I kanë rrjedhur *trutë (dikujt).
RRJÉDHËS,~E mb. 1. Që rrjedh vazhdimisht, që nuk qëndron amull; i rrjedhshëm. Ujë rrjedhës. 2. fin. Që është e hapur për të derdhur e për të tërhequr të holla herë pas here. Llogar…
Shfaq përkufizimin e plotë →RRJEDH vep., RRÓDHA, RRJÉDHUR jokal. 1. Ecën duke rrëshqitur mbi një sipërfaqe, derdhet teposhtë pareshtur si rrymë ose si curril (për ujin dhe lëngjet e tjera). Rrjedh lumi. Rrjed…
Shfaq përkufizimin e plotë →RRJEDHÍ,~A f. sh. ~, ~TË Rrëke uji që rrjedh nga mali pas shiut a pas shkrirjes së borës. Rrjedhi e vrullshme. Mbledh ujin e rrjedhive të malit.
Shfaq përkufizimin e plotë →RRJEDHÍM,~I m. sh. ~E, ~ET 1. Pasoja që vjen nga një veprim a nga një ngjarje. Rrjedhim logjik i shkaqeve. Rrjedhim kryesor. Rrjedhim i pashmangshëm. Kjo është rrjedhim i drejtpërd…
Shfaq përkufizimin e plotë →RRJÉDHJ/E,~A f. sh. ~E, ~ET 1. Ecje duke rrëshqitur mbi një sipërfaqe, derdhje teposhtë pareshtur si rrymë ose si curril (për ujin dhe lëngjet e tjera). Rrjedhja e naftës mbi asfal…
Shfaq përkufizimin e plotë →RRJEDHÓJ/Ë,~A f. sh. ~A, ~AT 1. Pasojë që vjen nga një veprim a nga një ngjarje, rrjedhim. Kjo është një rrjedhojë e veprimeve të veta. Si rrjedhojë, të gjithë ishin të kënaqur. Kr…
Shfaq përkufizimin e plotë →RRJEDHÓRE mb., gjuh. Që lidhet me rasën e pestë të lakimit në gjuhën shqipe, në të cilën emri a përemri shpreh raporte prejardhjeje, rrjedhimi, largimi prej diku etj. Rasa rrjedhor…
Shfaq përkufizimin e plotë →RRJEDHÓR/E,~JA f. sh. ~E, ~ET gjuh. Rasa rrjedhore. Format e rrjedhores njëjës dhe shumës.
Shfaq përkufizimin e plotë →RRJÉDHTAS ndajf. Rrjedhshëm. Fliste rrjedhtas pesë gjuhë.
Shfaq përkufizimin e plotë →RRJÉDHUR (i, e) mb., bised. Që ka humbur aftësinë për të gjykuar qartë e në mënyrë të shëndoshë, i matufosur, që e ka lënë mendja, matuf. Ishte njeri i rrjedhur.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë