Fjalë që fillojnë me...
Fjalë me të njëjtat parashtesa ose tema fjalëformuese.
RRÉGULLT (i, e) mb. 1. Që ka rregull; që ka një vend të caktuar; kund. i çrregullt. Ajo shtëpi është gjithnjë e rregullt. I renditi në mënyrë të rregullt.
2. Që bëhet ose që ndodh herë pas here me ndërprerje të barabarta kohe; që bëhet, që lëviz ose që punon me rregull, pa mungesa e pa ndryshime; kund. i çrregullt. Shëtitje të rregullta. Kontrolle të rregullta. Rrahjet e rregullta të zemrës.
3. Që i ka përmasat në përpjesëtim të drejtë e të harmonishëm ndërmjet tyre; që është i ndërtuar me simetri ose sipas një rendi, një parimi të caktuar; kund. i çrregullt. Tipare të rregullta. Ka trup të rregullt. Me dhëmbë të rregullt.
4. Që përputhet me rregullat e vendosura, që bëhet sipas normave dhe rregullave të pranuara. Mësim i rregullt. Zgjedhje të rregullta. Gol i rregullt.
5. Që ndjek rregullisht një shkollë, një punë a një veprimtari tjetër; që vepron pa ndërprerje e rregullisht sipas një programi të caktuar (për shkollën etj.). Student i rregullt. Lexues i rregullt i romaneve. Ka bërë shkollë të rregullt.
6. Që është i përpiktë, i saktë, që e bën me rregull e pa mungesa një punë, që i kryen në rregull të gjitha detyrat, që i pëlqen rregulli në punë e në jetë, që e do rregullin; i moralshëm; kund. i çrregullt. Njeri i rregullt. Nxënës i rregullt. Është i rregullt në punë.
7. Që punon a shërben në ditë a orë të caktuara dhe që ndjek një rrugë të caktuar, që punon rregullisht dhe jo herë po e herë jo, që nuk është i rastit. Autobus i rregullt. Linjë ajrore e rregullt.
8. gjeom. Që i ka të gjitha këndet dhe brinjët të barabarta ndërmjet tyre (për shumëkëndëshat). Pesëkëndësh i rregullt. Figurë e rregullt.
9. gjuh. Që i ndryshojnë trajtat sipas disa rregullave të caktuara pa përjashtime, që ndërtohet sipas një tipi të caktuar; kund. i parregullt. Folje e rregullt. Trajtë e rregullt.
10. usht. Që është e ndërtuar dhe që vepron sipas rregullave të përcaktuara, duke u stërvitur në mënyrë të vazhdueshme sipas një programi (për ushtrinë). Ushtri e rregullt. Trupa të rregullta.
✱Sin.: i rregullshëm, sistematik, metodik, i përhershëm, i vijueshëm.
RREGULLTÁR mb., fet. Që bën pjesë në një urdhër të caktuar katolik. Kleri rregulltar.
Shfaq përkufizimin e plotë →RRÉGULL,~I m. vet. nj. 1. Të qenët e çdo sendi në vendin e vet, aty ku duhet dhe ashtu siç duhet të jetë; kund. rrëmujë. Në klasë ka rregull. Vë në rregull orenditë. E mban shtëpin…
Shfaq përkufizimin e plotë →RRÉGULL,~A f. sh. ~A, ~AT Parim i nxjerrë nga lidhjet ligjësore të dukurive, që shërben si mbështetje e si drejtim për ecurinë a për zhvillimin e diçkaje. Rregulla të përgjithshme.…
Shfaq përkufizimin e plotë →RREGULLÁN,~E mb. Që i vë të gjitha punët në rregull. Rregullane si ajo nuk ka.
Shfaq përkufizimin e plotë →RREGULLÍ,~AI f. sh. ~, ~TË Rregullsi. U vendos rregullia në klasë.
Shfaq përkufizimin e plotë →RREGULLÍ,~AII f. vet. nj. Farefisi. Erdhi gjithë rregullia.✱Sin.: gjak, gji, bark.
Shfaq përkufizimin e plotë →RREGULLÍM,~I m. sh. ~E, ~ET Veprimi kur rregulloj diçka apo kur rregullohem; kund. çrregullim. Rregullimi i shtëpisë. Rregullimi i biçikletës. Rregullimi i rrugëve. Merret me arnim…
Shfaq përkufizimin e plotë →RREGULL/ÓJ vep., ~ÓVA, ~ÚAR kal. 1. Vë në rregull ose sjell përsëri në rregull diçka (flokët, rrobat etj.); kund. çrregulloj. Rregulloi shtëpinë. Kishte rregulluar flokët. 2. Bëj q…
Shfaq përkufizimin e plotë →RREGULLÓR/E,~JA f. sh. ~E, ~ET Tërësia e rregullave në një fushë të caktuar, në një punë, në një veprimtari etj.; libri me këto rregulla. Rregullore e brendshme. Rregullore ushtara…
Shfaq përkufizimin e plotë →RREGULLSÍ,~A f. sh. ~, ~TË Vetia e një dukurie a veprimi që zhvillohet sipas një rregulli të caktuar; të qenët i rregullt; ecuria e diçkaje a zhvillimi i saj sipas ligjësive të cak…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë