Fjalori
ROJË

RÓJ/Ë,~A f. sh. ~A, ~AT 1. Njeri, zakonisht i armatosur, i ngarkuar për të ruajtur diçka a dikë, rojtar; pjesëtar i një grupi të ngarkuar për të ruajtur diçka a dikë. Rojë e armatosur. Rojë nate. Roja e institucionit. Rojë pyjesh. Rojë bregdetare. Rojë personale. Vë rojë. Lajmëroj (thërres) rojën. Rri rojë.
2. Detyra për të ruajtur, për të mbrojtur dhe për të mbikëqyrur diçka a dikë që të mos e sulmojnë, të mos e dëmtojnë a të mos e grabitin. Shërbimi i rojës. Dita e rojës. Vendi i rojës. Bëj rojë ruaj. Kam rojë. Jam (rri) në rojë. Marr (dorëzoj) rojën.
3. përmb. Njësi ose trupë e vogël ushtarake, e caktuar për të kryer shërbimin e patrullimit, të mbikëqyrjes dhe të ruajtjes së diçkaje, vendi i qëndrimit të kësaj njësie. Trupi i rojës. Vendi i rojës. Oficeri i rojës. Ndërroj rojën.
4. Shërbim që i ngarkohet dikujt herë pas here për të përmbushur një detyrë a një nevojë në orët e pushimit të përgjithshëm; njeriu ose institucioni që e kryen këtë shërbim. Nëpunësi i rojës. Mjeku (infermieri) i rojës. Mamia e rojës. Farmacia e rojës. Dhoma (kabina) e rojës. Posta (anija) e rojës (usht.). Kam (bëj) rojën.
5. Ruajtje; kursim. Në rojë të... në mbrojtje të... Rojë nderi a) shërbim i veçantë që bëhet për nder të dikujt ose për të nderuar kujtimin e dikujt; b) trupë e veçantë që radhitet për nder të dikujt. Ndërrim roje heqja e një njeriu ose e një grupi të veçantë dhe zëvendësimi me të tjerë në një post drejtues pa sjellë ndonjë ndryshim në politikë ose në mënyrën e drejtimit.
✱Sin.: ruajtës, rojtar, sogjetar, sogje.
♦*Qen rojë (besnik) (i dikujt) përb.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë