Fjalori
QËROHEM

►QËR/ÓHEM jovep., ~ ÓVA (u), ~ÚAR 1. vetv. Pastrohem, dëlirem; më hiqen puçrrat, dregëzat ose njolla të tjera nga lëkura e fytyrës dhe e trupit. Qërohem nga ferrat. U qëruan djemtë e u bënë si pëllumba.
2. vetv., vet. v. ІІІ Kthjellohet, pastrohet nga retë. Qielli u qërua fare.
3. vetv., vet. v. III Më pastrohen sytë, veshët, gryka ose hunda nga diçka që i kishte zënë e i pengonte. M’u qërua gryka. Iu qërua zëri ka nisur të flasë me zë të pastër, jo të ngjirur. Iu qërua vështrimi ka nisur të shohë qartë.
4. vetv., keq. Iki si i padëshiruar; dëbohem. Qërohu që këtu! U qërua nga vendi.
5. pës. e QËRÓJ. Patatet lahen, pastaj qërohen.
✱Sin.: pastrohem, dëlirem, spastrohem, çlirohem, dëbohem, zhdukem, shporrem.

Rezultate të tjera nga lematizimi ose nga ngjashmëria me formën përfaqësuese: QËROJ
QËROJ

QËR/ÓJI vep., ~ÓVA, ~ÚAR kal. 1. I heq lëkurën, cipën a lëvozhgën; e pastroj nga puplat, luspat a pjesët e tjera të sipërme të panevojshme para se ta përgatit për ta ngrënë a për ta gatuar. Qëroj portokallin (patatet, trangujt). Qëroj vezën. Qëroj pulën. Qëroj peshkun. I qëroj cipën (lëkurën).
2. edhe fig. Heq papastërtitë, barërat e këqija; pastroj nga diçka e huaj dhe e papastër që është ngjitur a përzier me diçka ose që e ka zënë. Qëroj orizin (fasulet). Qëroj kokërr për kokërr. Qëroj kopshtin. Ia qëroi fytyrën nga puçrrat. Qëroj grykën (gurmazin, fytin, zërin) kollitem për të pastruar grykën që të flas me zë të qartë. Era e qëroi qiellin.
3. edhe fig., bised. Pastroj nga elementët e dëmshëm; zhduk, shfaros. E qëroi me një të shtënë.
4. bised., mospërf. Ha gjithçka, përlaj, fshij. E qëroi pjatën. I qëroi mollët. E qëroi gjellën.
✱Sin.: zhvesh, ceflis, tëharr, dëlir, faros, llufis, kollofis.
♦ Të qëron (të ha) *të bardhën e syrit (dikush). I qëroi *bishtin (dikujt) keq. Nuk më lë të qëroj (të kruaj) *dhëmbin (dikush). Të qëron *dhëmbin (dikush). I qëroi (i lau) llogaritë (*hesapet) (me dikë). Të qëron *syrin (dikush) keq.

QËROJ

QËR/ÓJII vep., ~ÓVA, ~ÚAR kal. bised., përçm. E dëboj si të padëshirueshëm, e shporr. I qëroi hesapet (me dikë). E qëruan nga puna (nga shkolla).
✱Sin.: shporr, zhduk, dëboj, largoj, fshij, shfaros, largoj, zhduk.

QËROJ

QËR/ÓJIII vep., ~ÓVA, ~ÚAR kal., mospërf., keq., Grabis, vjedh. Ia qëruan xhepat. Të qëron të bardhën e syrit dikush është shumë i zoti.
✱Sin.: grabis, vjedh.

QËROJ

QËR/ÓJIV vep., ~ÓVA, ~ÚAR euf. Tredh. Qëroi dashin.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë