Fjalori
QËLLUAR

QËLLÚAR (i, e)I mb. I goditur; i plagosur. Kishte shumë ushtarë të qëlluar në këmbë.
✱Sin.: i rrahur, i goditur, i plagosur, i plaguar, i plagur, i lënduar, i varruar.

QËLLUAR

QËLLÚAR (i, e)II mb. Që është bërë mirë, bukur e në rregull; që është thënë në mënyrë të përpiktë e me vend (për fjalën). Këngë e qëlluar. Fjalë (shprehje) e qëlluar. Figurë e qëlluar.
✱Sin.: i gjetur, i përshtatshëm.

QËLLUAR

QËLLÚAR,~A (e) f. sh. ~A, ~AT (të) Rënie a goditje me diçka; e shtënë, gjuajtje; zhurma e saj. E qëlluar sëpate. U dëgjuan të qëlluarat. E rrëzoi me të qëlluarën e parë.

QËLLUAR

QËLLÚAR,~IT (të)I as. Veprimi kur qëlloj a qëllohem; goditje, të goditur, rënie. Të qëlluarit me armë (me gurë).
✱Sin.: gjuajtje, rrahje.

QËLLUAR

QËLLÚAR,~IT (të)II as. Mundësi e rastit, rastisje, të rastisur. Me të qëlluar me rast, si të rastisë.

Rezultate të tjera nga lematizimi ose nga ngjashmëria me formën përfaqësuese: QËLLOJ
QËLLOJ

QËLL/ÓJ vep., ~ÓVA, ~ÚAR 1. kal. I bie dikujt a diçkaje (me dorë, me këmbë, me armë etj.) E qëlloi me grusht. Qëllova me shqelm. E qëlloi me gur. E qëlloi fort (për vdekje). E qëlloi rrufeja.
2. edhe jokal. Bie në shenjë, godas ku duhet; rrok. Qëlloi në shenjë. Qëllon lart.
3. jokal., fig. Kritikoj fort, godit me fjalë, fshikulloj. Çdo frazë e tij nuk flet, por qëllon. Qëlloi fort me pikëpamjen e tij.
4. jokal. Synoj, godit. Qëllonte ashpër. Qëllon rëndë. E kuptova se ku qëllonte.
5. kal., fig. E bëj mirë e bukur diçka, ia dal ta thur, ta kap a ta zgjidh mirë; e godit. Nuk e paska qëlluar mirë këtë shkrim. Mirë ia paska qëlluar kësaj pune.
6. kal., bised. E zë (gjumi). Sapo e kishte qëlluar gjumi.
7. jokal. Ndodhem rastësisht diku a në një mënyrë të caktuar, gjendem; ndeshem; bie në një grup njerëzish, rastis me të tjerë në një kohë të caktuar; vet. v. III ndodh, rastis. Qëlloi i sëmurë. Qëlluam të njohur. I qëlloi udha andej. Qëlloi me njerëz të mirë. Festa qëlloi të dielën. Qëllon shpesh të vijë. Qëlloi dimër.
✱Sin.: rrok, synoj, godit, rrah, shtie, shkopis, grushtoj, rastis, ndodh, ngjan, zgjedh, ruhem.
♦ Qëllon në *erë (dikush). Qëllon (godet) *larg (dikush). Qëlloi (goditi) në *shenjë (dikush). Qëllon në *xixëllonjë (dikush).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë