Fjalori
PUTHEM

►PÚTH/EM jovep., ~A (u), ~UR 1. vetv. Puth dikë dhe ai më puth njëkohësisht. U puthën buzë më buzë. U puthën kur u takuan (kur u ndanë).
2. vetv., vet. v. III Takohet, çiket me diçka, puqet. Deti duket sikur puthet me qiellin.
3. fig., bised., vetv. Puqem, merrem vesh me dikë, bie në ujdi. U puthën në një mendje.
4. euf., vetv. Kryej marrëdhënie seksuale me dikë.
5. vet. v. III, pës. e PUTH. Dora që nuk kafshohet, puthet. (fj. u.).
♦ Puthu me Milon! iron. mbaroi, mori fund, s’ke se çfarë të bësh tashti; s’e gjen më tashti atë që e ke humbur.

Rezultate të tjera nga lematizimi ose nga ngjashmëria me formën përfaqësuese: PUTH
PUTH

PUTH vep., ~A, ~UR kal. 1. Prek e thith lehtë me buzë zakonisht të mbyllura dikë në buzë, në faqe, në ballë etj. në shenjë dashurie a nderimi, kur e takoj, pas një ndarjeje të gjatë etj.; prek me buzë diçka në shenjë adhurimi. Puthi fëmijën (nënën, babanë). E puthi në buzë (në faqe, në gushë, në ballë). I puthi dorën. Puth flamurin. Puthi tokën amtare. Puthje e thellë.
2. bised. (zakon. me pjesëzat mohuese nuk, s’) Nuk kam më të drejtë, mundësi a forcë për të vajtur diku a për të bërë diçka. Nuk puth më në atë shtëpi (në atë derë, në atë punë).
3. vet. v. III Prek lehtë diçka, takon lehtë e pa zhurmë. Valët puthin bregun.
4. fig., vet. v. III Ndriçon pak, fillon të ndriçojë; kap, zë. Dielli puthi majat e maleve. Nuk e puth drita e diellit.
5. Puthit, puq. I puthën dërrasat.
6. euf. Kryej marrëdhënie seksuale me dikë.
✱Sin.: prek, zë, puthit, puq, takoj, kap.
♦ Nga një *anë të puth e nga tjetra të kafshon (dikush) keq. I puth (i lëpin) *çizmet (dikujt) përb. I puth *dorën (dikujt) keq. Të puth *dorën! I puth *gjunjët (dikujt) keq. Puthi *gjunjët (dikush). Do të të puthë e të kafshon (dikush) do të të ndihmojë e të bën dëm, do të të bëjë mirë e padashur të bën keq; s’di të bëjë mirë. I puth (i lëpin) *këmbët (dikujt) keq. Puthi *kryqin (dikush) iron. I puth *pëqirin (dikujt) keq. Puthe *pragun! iron. I puth *prehrin (dikujt) keq. I puth *tabanin (dikujt) vjet. E bëri të puthë *tokën (dikush). Puth *tokën (truallin) (dikush). E puth dhe e vë në *ballë (diçka).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë