Fjalë që fillojnë me...
Fjalë me të njëjtat parashtesa ose tema fjalëformuese.
PRODHÍM,~I m. sh. ~E, ~ET 1. Veprimi kur prodhoj ose kur prodhohet diçka. Prodhimi i drithërave (i perimeve, i frutave). Prodhimi i energjisë elektrike (i naftës). Prodhimi i filmave (i dokumentarëve). Procesi i prodhimit tërësia e proceseve të veçanta, si rrjedhojë e të cilave del një send i gatshëm ose gjysmë i gatshëm. Filloi nga prodhimi. Hyri në prodhim.
2. ek. Puna e drejtpërdrejtë që bëhet për nxjerrjen, përgatitjen a përpunimin e diçkaje në një ndërmarrje industriale, bujqësore etj.; puna e drejtpërdrejtë për të nxjerrë e përgatitur të mirat materiale. Ritmet e prodhimit. Futja e shkencës dhe e teknikës së përparuar në prodhim. Lidh mësimin me prodhimin. Prodhimi i vogël i mallrave prodhim që mbështetet në pronën private dhe në punën vetjake të prodhuesve të vegjël, që prodhojnë për shitje. Mjetet e prodhimit. Njësi prodhimi (ek.). Njerëzit e prodhimit. Mjeshtër prodhimi. Degët kryesore të prodhimit. Plani i prodhimit.
3. Tërësia e vendeve a e qendrave ku kryhet puna për të nxjerrë e përgatitur të mirat materiale.
4. ek. Tërësia e të mirave materiale që prodhohen në një periudhë të caktuar nga ekonomia e një vendi; tërësia e sendeve të dobishme që prodhon një ndërmarrje e veçantë, një degë e industrisë etj. në një kohë të caktuar. Prodhimi vjetor (mujor). Prodhimi industrial (bujqësor). Prodhim material tërësia e të mirave materiale që janë në natyrë dhe përpunohen e përshtaten për nevojat e njeriut, gjithë lëndët e para që përpunohen nga njeriu. Prodhimi shoqëror tërësia e të mirave materiale që prodhon shoqëria në një kohë të caktuar. Prodhimi i përgjithshëm bruto. Prodhim i përgjithshëm shoqëror tërësia e rezultateve të veprimtarisë prodhuese, të bëra nga të gjitha hallkat e një vendi.
5. ek. Çdo send me vlerë, mjet i veçantë etj., që prodhohet në një ndërmarrje, në një sektor a në një degë të ekonomisë; diçka që del nga duart dhe mendja e njeriut; çdo gjë që prodhohet. Prodhim i ri. Prodhime ushqimore. Prodhim letrar (artistik). Prodhim artizanal. Prodhime të gatshme (gjysmë të gatshme, të përfunduara). Cilësia e prodhimeve. Vlera e prodhimit. Kostoja e prodhimit. Çmimet e prodhimeve. Rritja e prodhimit. Rritën cilësinë e prodhimit.
6. mat. Numri që del kur shumëzohen dy a më shumë numra të tjerë. Prodhimi i dy numrave. Prodhimi dhe herësi.
✱Sin.: nxjerrje, krijim, produkt, dalje, punë, veprimtari, vepër, mall, shumë.
PRODHIMÓR,~E mb. Që ka të bëjë me prodhimin, i prodhimit. Objekt prodhimor. Proces prodhimor unik.
Shfaq përkufizimin e plotë →PRODHIMTÁR,~E mb. 1. Që jep shumë prodhim, prodhues, pjellor. Vend prodhimtar. 2. Që sjell fitim, që ka dobi; fitimprurës. Ekonomi prodhimtare. Degë prodhimtare. 3. Që ka pasur pro…
Shfaq përkufizimin e plotë →PRODHIMTARÍ,~A f 1. Të qenët prodhues, prodhueshmëri. Prodhimtaria e tokës. 2. Aftësia për të dhënë një sasi të caktuar prodhimi në një njësi kohe.3. Sasia e prodhimit që jep një p…
Shfaq përkufizimin e plotë →PRODHIMËSÍ,~A f. Prodhueshmëri. Prodhimësi e planifikuar.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë