Fjalori
PRANUAR

PRANÚAR,~I (i) m. sh. ~, ~IT (të) Ai që është pranuar diku etj.; ai që është bërë anëtar a pjesëtar në një organizëm etj. Të pranuarit në konkurs të paraqiten nesër. U rrit numri i të pranuarve. Shumica e të pranuarve u kualifikuan.

PRANUAR

PRANÚAR,~A (e) f. sh. ~A, ~AT (të) Ajo që është pranuar diku etj.; ajo që është bërë anëtare a pjesëtare në një organizëm etj. Të pranuarat në olimpiadë filluan stërvitjen intensive. U rrit jo pak numri i të pranuarave.

PRANUAR

PRANÚAR (i, e) mb. Që është pranuar diku etj.; që është bërë anëtar a pjesëtar në një organizëm etj. Studentët e pranuar bënë disa seanca njohjeje me laboratorin shkencor.
✱Sin.: i miratuar, i anëtarësuar, i mirëpritur, i tumirur.

PRANUAR

PRANÚAR,~IT (të) as. Pranim.

Rezultate të tjera nga lematizimi ose nga ngjashmëria me formën përfaqësuese: PRANOJ
PRANOJ

PRAN/ÓJ vep., ~ÓVA, ~ÚAR kal. 1. E marr diçka që më jepet, nuk e kthej. E pranoi dhuratën. E pranoi ftesën. E pranoi me kënaqësi.
2. edhe jokal. Jap pëlqimin për të bërë një punë a një veprim që më kërkohet; pajtohem me dikë a me diçka; dua. E pranoi detyrën e re. Pranoi të vinte (të fliste, të zgjidhej). Pranon, s’pranon, do të niset patjetër. - E si thua? Pranon? - Po, pranoj.
3. E quaj të drejtë diçka, e quaj të vërtetë a të ligjshme; miratoj. E pranuan vendimin (ligjin, propozimin). Pranojnë statutin. I pranoi kushtet (afatet). E pranoi gabimin (fajin). Pranoi se nuk kishte të drejtë.
4. Jap pëlqimin që dikush të punojë diku etj., nuk jam kundër; marr. E pranoi në punë. S’i pranonin të aplikonin. E pranuan në universitet (në shkollën e lartë, në kolegj).
5. E fut dikë në një organizatë, e bëj anëtar.
6. vet. v. III Gjen mjedis të përshtatshëm për t’u rritur a për t’u zhvilluar mirë; është i përshtatshëm për diçka, është në përshtatje me diçka; duron. Ulliri nuk i pranon tokat me lagështirë. Kjo tokë nuk e pranon këtë farë. Nuk i pranon gjuha jonë këto ndërtime të huaja.
✱Sin.: marr, mbaj, dua, miratoj, mirëpres, qas, fut, pohoj, njoh, quaj, përtyp, duroj, anëtarësoj, pëlqej, afroj, tumir, begenis, honeps, tres, dëshiroj.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë