Fjalë që fillojnë me...
Fjalë me të njëjtat parashtesa ose tema fjalëformuese.
PLUMB,~I m. sh. ~A, ~AT 1. kim., vet. nj., Metal i butë e shumë i rëndë, me ngjyrë të hirtë, që përpunohet lehtë dhe përdoret në industri e në teknikë, për të veshur enë e aparate kimike etj. (simboli Pb). Tel plumbi. Kripëra plumbi. Bojë (ngjyrë) plumbi. Minierë plumbi. Nxjerrja e plumbit. E veshën me plumb. I rëndë si plumb. Arkivol plumbi.
2. Një copë nga ky metal, që përdoret për punë të ndryshme; një copë e tillë, zakonisht e shtypur dhe me shenjën e vulës, që përdoret nga organet zyrtare për të mbyllur pako, kuti etj. Plumbat e sigurimit të vagonëve (të maunave). Rrjetë me plumba rrjetë me copa të vogla e të rrumbullakëta plumbi, që përdoret për peshkim, plumbçë. E mbylli me plumb.
3. Pjesë gjatoshe e fishekut a e predhës, e bërë prej këtij metali, e cila shkëputet nga gëzhoja kur qëllojmë me armë zjarri. Plumb pushke (automatiku, mitralozi). Shpejtësia e plumbit. Breshëri plumbash. Plagë (shenjë) plumbi. I dha plumbin (bised.) e pushkatoi. I këputi plumbin (bised.) e vrau. E mori (e zuri, e hëngri) plumbi u vra; u plagos. E priti me plumb e priti me pushkë. I bën dredha plumbit (mospërf.) është frikacak. E marrtë plumbi! (mallk.). Derri do plumb. (fj. u.). Fjala vret më shumë se plumbi, heshta vret më shumë se fjala. Plumbi nxjerr plumbin. (fj. u.). Fjala e rëndë plagë plumbi. (fj. u.).
4. Plumbçe. I vë plumbin.
5. Grafiti i lapsit. Plumbi i lapsit. Laps plumbi. Mpreh plumbin.
6. fig. Goditje vdekjeprurëse, grusht për vdekje; diçka që të dëmton, të shkatërron ose të shkakton një dhembje të madhe. E kam plumb në zemër. Më ra si plumb në zemër.
✱Sin.: predhë, plumbçe, grafit, goditje.
♦ U bë plumb (dikush) u rëndua shumë, s’e ngre dot. I bën *dredha plumbit (dikush). I derdhi (i treti) plumbin në gojë (dikujt) përb. e vrau pa mëshirë; e asgjësoi. Ha (bren) plumbin me dhëmbë (dikush) shih ha (bren) hekurin me dhëmbë (dikush). E kam (më ra) plumb në zemër (në shpirt) (diçka) më ka goditur rëndë diçka dhe më shkakton një dhembje të madhe shpirtërore, më rëndon shumë; e kam diçka të rëndë; e kam gur në zemër. E ka syrin plumb (dikush) është shumë i mprehtë, kap shpejt çdo gjë; është shumë i gjallë e i sigurt, e rrok shpejt çdo punë dhe e kryen mirë. Me *këmbë plumbi. Ia la plumbin në *lëkurë (dikujt). Ia la plumbin në *mish (dikujt). Plumb pushke shumë i shpejtë; me shpejtësi të madhe, rrufe, vetëtimë, sa nuk duket kur ikën; vetëtimë behari. Më shkoi plumbi te veshi (përreth veshit) kalova një rrezik shumë të madh e shpëtova për mrekulli, për një fije shpëtova; shkova në teh të briskut; shkova në majë të briskut. Më zë plumbi *gropave.
PLUMB mb. 1. Që ka ngjyrën e plumbit, në ngjyrë të hirit. Toka plumb e qielli flakë.
2. edhe fig. Shumë i rëndë. U bë plumb diçka u rëndua shumë. E ka dorën plumb. I kam qepallat plumb nga pagjumësia. E kam kokën plumb e kam kokën shumë të rëndë, më dhemb koka shumë. E ka fjalën plumb e ka fjalën shumë të rëndë; të vret me fjalë.
PLUMB ndajf. edhe fig. 1. Shumë, si plumb (me mbiemrin i rëndë ose me foljen rëndon etj.). Është plumb i rëndë. Gjumë i rëndë plumb. Çaste të rënda plumb. Më rëndonte plumb. U bënë të rënda plumb.
2. Shumë shpejt, ashtu siç ikën plumbi a shigjeta, si vetëtima, fluturimthi. Iu sul plumb. Fluturoi plumb.
✱Sin.: shumë, shpejt, fluturimthi, vetëtimë, rrufe.
PLUMBÁK,~E mb. Plumbor.
Shfaq përkufizimin e plotë →PLUMBÁS ndajf. Shumë shpejt, si plumb, si vetëtimë.
Shfaq përkufizimin e plotë →PLUMBÍM,~I m. sh. ~E, ~ET Veprimi kur plumboj a plumbohem.
Shfaq përkufizimin e plotë →PLÚMBJE mb. Që ka formën e një rruzulli të vogël plumbi apo ngjyrë të plumbtë. Fasule plumbje (bot.) fasule të rrumbullakëta e si të verdha.
Shfaq përkufizimin e plotë →PLUMB/ÓJ vep., ~ÓVA, ~ÚAR kal. 1. Plumbos. 2. Godas me armë, qëlloj me plumb. E plumboi në kraharor.
Shfaq përkufizimin e plotë →PLUMBÓR,~E mb. Që përmban plumb, që është prej plumbi.
Shfaq përkufizimin e plotë →PLUMBÓS vep., ~A, ~UR kal. 1. Mbyll me një copë plumbi, zakonisht të shtypur dhe me shenjën e vulës, një zarf, një aparat matës, një derë makine transporti etj. për t’u hapur në nj…
Shfaq përkufizimin e plotë →PLÚMBTË (i, e) mb. 1. Që është bërë prej plumbi. Tapë e plumbtë. Gyp i plumbtë. Kube e plumbtë. 2. Që ka ngjyrën e plumbit; i errët. Ngjyrë e plumbtë. Bluzë e plumbtë. Qiell i plum…
Shfaq përkufizimin e plotë →PLUMBÇ,~I m. sh. ~A, ~AT 1. Plumbçe. Plumbçi i muratorit. 2. bised. Grafiti i lapsit; laps plumbi. Plumbçi i lapsit. Shkruaj me plumbç. 3. Copë prej plumbi, që vihet në anë të rrje…
Shfaq përkufizimin e plotë →PLÚMBÇ/E,~JA f. sh. ~E, ~ET Një copë metali e rëndë, në trajtën e një koni, e lidhur me një pe të gjatë, që e përdorin muratorët për të mbajtur qoshet e drejtimin pingul të mureve…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë