Fjalë që fillojnë me...
Fjalë me të njëjtat parashtesa ose tema fjalëformuese.
PLAN,~II m. sh. ~E, ~ET 1. Lloj vizatimi që paraqet me anë vijash e shenjash të posaçme dhe në një shkallë shumë të zvogëluar një sipërfaqe të vogël toke, hartë e shkallëzuar. Plan topografik. Plani i vendit.
2. Vizatim që paraqet në përmasa zakonisht të zvogëluara pamjen nga një anë ose prerjen sipas një rrafshi të një sendi, të një ndërtese, të një pajisjeje etj., që do të ndërtohet a do të prodhohet; skicë. Plani i qytetit. Plani i ndërtesës (i portit, i aeroportit). Plani i bibliotekës kombëtare. Shkalla e planit. Plan i përgjithshëm. Plan rregullues. Plan topografik.
3. Tërësi masash të menduara e të caktuara që më parë, që parashikojnë ecurinë a mënyrën e zhvillimit të një pune a veprimtarie, vëllimin e afatet e saj etj. Plani i punës. Plani i infrastrukturës rrugore (i ndërtimeve urbane). Plani vjetor i punës shkencore. Plani i stërvitjes së sportistëve. Punë me (pa) plan. Bën plane në hava (keq.)
4. ek. Tërësia e detyrave, e treguesve dhe e mjeteve për plotësimin e tyre, që përcaktohen a përllogariten që më parë për zhvillimin e harmonishëm të ekonomisë e të kulturës gjatë një periudhe të caktuar; dokumenti ku janë shënuar këto detyra e masa. Punojnë me plane afatshkurtra (afatgjata). Plani vjetor (tremujor, mujor). Plani perspektiv plani për disa vjet në të ardhmen. Plan ekonomik (financiar). Plan shtetëror. Plan shkencor. Ekonomi pa plan. Miratoj planin. E plotësuan (e tejkaluan) planin.
5. Pikat ose vijat kryesore një studimi etj.; skicë. Plani i orës së mësimit. Bëj planin e studimit.
6. fig. Qëllimi a synimi që duam të arrijmë dhe që e parashikojmë që më parë. Plan i guximshëm. Plane të errëta antikombëtare. Ia prishën planet. S’i doli plani.
7. Fusha e veprimtarisë ose lëmi i shfaqjes së diçkaje; mënyra e shqyrtimit të diçkaje, drejtimi a këndi me të cilin e shohim; rrafsh (zakonisht në tog me parafjalën në). Në planin ekonomik (politik, teorik, moral, shoqëror). Në planin kombëtar (ndërkombëtar, botëror). Në planin kohor (historik). Del në dy plane.
8. Vendndodhja e një sendi a e një objekti lidhur me largësinë e tij nga shikuesi. Vinte më prapa, në plan të dytë. Janë në një plan.
9. fig. Vendi që zë dikush a diçka sipas rëndësisë që ka (kryes. me një numëror rreshtor). E nxori në plan të parë. E vuri në plan të dytë. Kalon në plan të fundit.
10. gjeom. Rrafsh. Plan i pjerrët (pingul, horizontal). Plane paralele. Plani i meridianit. Plani i ekuatorit. Drejtëzat e një plani.
✱Sin.: planimetri, skicë, program, qëllim, shestë, shestim, rrafsh, planifikim, vizatim, hartë, grafik, skemë, masa, detyra, tregues, përmbledhje, synim, fushë, lëmë, mënyrë, drejtim, tertip, këndvështrim, mendim, sajim, vendndodhje, vend.
♦ Ka dalë në plan të parë (diçka) libr. është bërë më e rëndësishmja e me kryesorja, është bërë e para që duhet zgjidhur. I vë në një plan libr. i quaj njësoj, i barazoj dy a më shumë njerëz, sende etj.; i vlerësoj barabar.
PLANÉR,~I m. sh. ~Ë, ~ËT av. Mjet fluturues pa motor, zakonisht në formë delte, që përdor rrymat e ajrit.
Shfaq përkufizimin e plotë →PLANÉT,~I m. sh. ~Ë, ~ËT astr. Trup qiellor, që rrotullohet rreth Diellit a një ylli tjetër dhe merr prej tij dritën e ngrohtësinë. Planetët e mëdhenj (e vegjël). Planeti ynë Toka.…
Shfaq përkufizimin e plotë →PLAN,~II m. sh. ~E, ~ET 1. Lloj vizatimi që paraqet me anë vijash e shenjash të posaçme dhe në një shkallë shumë të zvogëluar një sipërfaqe të vogël toke, hartë e shkallëzuar. Plan…
Shfaq përkufizimin e plotë →PLAN,~III m. sh. ~A, ~AT Zdrukth i madh që përdoret për të rrafshuar faqen e parë të dërrasës, makinë me një mjet të tillë. I kaloi dërrasat në plan. Sheshoj me plan.
Shfaq përkufizimin e plotë →PLÁND/Ë,~A f. sh. ~A, ~AT krahin. Vresht.
Shfaq përkufizimin e plotë →PLANÍM,~I m. sh. ~E, ~ET Veprimi kur planoj ose kur planohet.
Shfaq përkufizimin e plotë →PLAN/ÓJ vep., ~ÓVA, ~ÚAR kal. 1. I bie me plan një dërrase dhe e rrafshoj. Planoj dërrasat.2. E bëj të sheshtë diçka, e sheshoj, e rrafshoj. E planoj lëmin.
Shfaq përkufizimin e plotë →PLANÓS,~I m. sh. ~Ë, ~ËT zool. 1. Beng, fikës. 2. Shpend i vogël, si turtull, thëllëzë etj., që e vënë në kafaz për të ndjellë e për të kapur shpendë të tjerë.✱Sin.: beng, fikës.
Shfaq përkufizimin e plotë →PLÁN/Ë,~A f. sh. ~A, ~AT bised. Tokë e ulët, që vjen si gropë e mban ujë; tokë jo e pjerrët.✱Sin.: gropore, gropësirë, gropishtë.
Shfaq përkufizimin e plotë →PLÁNË ndajf. 1. Në trajtën e një grope, si gropë; jo pjerrët. Vendi vjen pak planë. 2. Amull, pa lëvizur. Rri ujët planë.✱Sin.: gropë, amull.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë