Fjalë që fillojnë me...
Fjalë me të njëjtat parashtesa ose tema fjalëformuese.
PÉRD/E,~JA f. sh. ~E, ~ET 1. Copë pëlhure me pala, që mbulon diçka ose që ndan një kthinë nga një tjetër; pëlhurë e tillë ose copë stofi, e cila varet përpara dritares, derës etj. që të mos na shohin nga jashtë, që të mos hyjë drita a për zbukurim. Perde të holla (të trasha, të rënda). Perde të bardha (me lule). Perde kadifeje (mëndafshi, tyli, basme). Kapëse perdesh. Kornizë për perde.
2. Copë e gjatë dhe e gjerë pëlhure, kadifeje, stofi etj., që varet para skenës në teatër dhe që mund të hapet e të mbyllet ose të ngrihet e të ulet sipas kërkesave të shfaqjes. U hap (u mbyll) perdja. Ra perdja.
3. kinem. Pëlhurë e bardhë, e vendosur pingul dhe e tendosur mirë diku, mbi të cilën shfaqen filma, ekran.
4. anat. Cipë e hollë që vesh syrin dhe që pengon shikimin, lëbyr. I kanë zënë (i kanë vënë) sytë perde.
5. Mur i hollë prej dërrase, prej tullash etj., që ngrihet për të ndarë një hapësirë, për të fshehur diçka, për të penguar lëvizjen e diçkaje etj. Perde ndarëse prej dërrase.
6. Kapak, mbulesë, veshje etj. që mbron diçka. Perde mbrojtëse. Perde xhami e papërshkueshme nga plumbat. Perde antizjarr.
7. Rrjetë teli a prej shufrash metali që zë një hyrje. Perde teli.
8. Shtresë tymi, mjegulle etj., që të pengon të shohësh në anën përtej. Perde tymi. Perde avujsh. Perde e hollë mjegulle. U ngrit një perde pluhuri.
9. usht., fig. Zjarr i dendur armësh ndaj trupave, ndaj mjeteve luftarake etj. në një betejë. U krijua një perde e dendur zjarri ndaj trupave sulmuese.
10. opt. Pllakë prej lënde të posaçme, e vendosur në aparate fotografike a kinematografike, ku riprodhohen figura, sinjale etj.; ekran.
11. muz. Secila fletë e hollë e metaltë në bishtin e disa veglave me tel, ku shkelin gishtat për të nxjerrë tinguj të ndryshëm; çdo ndarje me fletë të tilla.
12. fig., bised. Turp, cipë. Nuse me perde. I ka plasur perdja. S’kishin perde fare.
13. fig. Nder. Njeri me (pa) perde.
14. fig. Diçka që përdoret për të mbuluar e për të fshehur një gjë zakonisht jo të mirë. I hodhi (i vuri) një perde. Ia hoqën (ia grisën) perden. S’ka perde me mua! fol hapur me mua!, mos m’i fshih gjërat!
15. bised. Perçe grash. Gratë rrinin me perde.
✱Sin.: mjegull, ekran, turp, nder, cipë, lëbyr, lëpe, tis, prask, klitë, prask, pezhishkë, tyl, re, perçe, shtrak, vel, ag, çatma, ndarëse, bylme, kapak, mbulesë, napë, maskë.
♦ Ra perdja libr. mbaroi diçka, mori fund, u mbyll (një ngjarje etj.). Ia hoqi (ia grisi) perden (diçkaje) e zbuloi diçka, e nxori para të gjithëve e nuk është më e fshehtë. Nuk ka perde (dikush). 1. keq. Është i pacipë, nuk ka turp; s’i bën përshtypje qortimi etj.; i ka plasur perdja (dikujt); nuk ka cipë; i ka plasur cipa (e ballit) (dikujt). 2. I flet hapur dikujt, nuk i fsheh asgjë. Perde e hekurt libr. kufi i fortë, pengesë e pakapërcyeshme; ndarje e prerë, mur. Perde tymi libr. fjalë a veprime të rreme e të paqarta për të mbuluar diçka të keqe, për të fshehur një mashtrim, për t’i rrëshqitur një të vërtete etj. I ka plasur perdja (dikujt) nuk ka më turp, është bërë i pacipë; i ka plasur cipa (e ballit). I vuri një perde (diçkaje) përdori dredhi a fjalë për ta mbuluar diçka (zakonisht të keqe), u përpoq ta fshehë nga të tjerët; krijoi një pengesë për të mos e parë a për të mos e ditur diçka. I kanë vënë (i kanë zënë) sytë perde (dikujt) është verbuar e nuk kupton ç’po i bëjnë, nuk e sheh të keqen që i kanoset nga afër; i kanë vënë (i kanë zënë) sytë cergë; iu veshën sytë.
PERDEPLÁSUR mb., keq. 1. I paturp, cipëplasur. Sʼdi nder e shoqëri perdeplasuri.2. I pamoralshëm. Grua perdeplasur. 3. si em. m. e f. Sipas kuptimit të mbiemrit.
Shfaq përkufizimin e plotë →PERDESË́Z,~E mb., keq. I pacipë; perdeplasur.
Shfaq përkufizimin e plotë →PERDÁH,~U m. sh. ~Ë, ~ËT 1. Vegël muratorësh: një copë dërrasë e lëmuar me një dorezë të vogël, që përdoret për të rrafshuar suvanë e njomë në mure. 2. Përdorëse prej mermeri në tr…
Shfaq përkufizimin e plotë →PERDHIKÚL,~I m. sh. ~Ë, ~ËT 1. bot. Lloj fiku i vonët që i bën kokrrat me bisht të gjatë; fik cingël. 2. Kokrra e këtij lloji fiku.
Shfaq përkufizimin e plotë →PERDHÍQ,~I m. sh. ~Ë, ~ËT bot. Bimë barishtore, me gjethe si të borzilokut e me lule të bardha, që rritet në vende të ngritura buzë arave dhe që përdoret në mjekësinë popullore kur…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë