Fjalë që fillojnë me...
Fjalë me të njëjtat parashtesa ose tema fjalëformuese.
PÉM/Ë,~A f. sh. ~Ë, ~ËT 1. Dru zakonisht i butë, fryti i të cilit hahet, dru frutor. Pemë të buta (të egra). Pemët e kopshtit. Pema e mollës (e dardhës). Kopsht me pemë. Mbjellin pemë. Sivjet pemët kanë bërë shumë. Te pema e lavdëruar mos shko me thesin e madh. (fj. u.).
2. Fryti i këtij druri, zakonisht në trajtë kokrrash me madhësi e me ngjyra të ndryshme, me tul e me lëng të ushqyeshëm, me fara a bërthama brenda. Pemë të freskëta (të thata, të ëmbla). Pemë të bëra (të pabëra). Lëng (pekmez, shurup, pelte, reçel) pemësh. Lëvozhgë (lëkurë) peme. Këput (vjel, mbledh) pemët. Njeriu që vetëm për vete punon, është si dru që pemë s’lëshon. (fj. u.). Pema e papjekur s’hahet. (fj. u.).
3. Dru me trung dhe me shumë degë të cilat formojnë një si kurorë; fryti i këtij druri. Pemë gjelbërimi (zbukurimi). Pemët e pyllit (e parkut). Pemët e lisit lëndët e lisit. Degët (rrënjët, kurorat) e pemëve. Gjethojnë (lulëzojnë) pemët. Hipi në pemë. Pema e Krishtlindjes bredh a pishë që zbukurohet për Krishtlindje me lodra, me sende të ndryshme dhe me një yll në majë. Pema e Vitit të Ri bredh a pishë që zbukurohet me lodra e me sende të ndryshme për festën e Vitit të Ri; pema e Krishtlindjes. Njeriu pa shkollë është si pema e egër. (fj. u.). Njeriu i paditur, si pema pa lule. (fj. u.).
4. fig., libr. Ajo që arrihet a fitohet me punë; fryt. Pemët e punës. Mblodhi pemët e fitores. Shijoi (gëzoi) pemët e pjekura të veprës së vet.
5. Diçka që ka formën e një peme (me trung, degë, nëndegë etj.) ose konceptohet si e tillë. Pemë gjenealogjike figurë që ka pamjen e një druri, trungu dhe degët e të cilit tregojnë lidhjet e birësisë së një familjeje ose lidhjet e pjesëve të diçkaje me burimin e tyre gjatë zhvillimit, druri gjenealogjik. Pema mushkërore (anat.) tërësia e bronkeve, e artereve dhe e enëve të mushkërive.
♦ Pemë pa kokrra mospërf. dikush që nuk të mbaron punë, nga i cili nuk ke dobi; njeri që punon, por nuk ka përfundime të mira në punë; diçka që nuk të jep gjë, nga e cila nuk përfiton; pus pa ujë; arrë pa bukë; sapun pa shkumë; lëmë pa drithë (pa bereqet). Shkund pemët e të tjerëve (dikush) rron duke zhvatur nga njëri e nga tjetri, rron në kurriz të të tjerëve; përvetëson meritat e arritjet e të tjerëve, merr frytet e të tjerëve.
PÉM/ËL,~LA f. sh. ~LA, ~LAT Fryt kokërrvogël e i lëngshëm që bëjnë disa bimë barishtore, si luleshtrydhja etj. ose disa shkurre, si mjedra, qershigla etj. dhe që hahet i freskët os…
Shfaq përkufizimin e plotë →PEMËRÍN/Ë,~A f. Pemurina.
Shfaq përkufizimin e plotë →PEMËSÍM,~I m. sh. ~E, ~ET Veprimi kur pemëson pema.
Shfaq përkufizimin e plotë →PEMËS/ÓN vep., ~ÓI, ~ÚAR jokal. Jep kokrra, jep fruta (për një pemë frutore); frytëzon.
Shfaq përkufizimin e plotë →PEMËSÓR,~E mb. Që jep fruta, që bën fruta; frytbërës, frytdhënës.✱Sin.: frytbërës, frytdhënës, frutor.
Shfaq përkufizimin e plotë →PEMËTÁR,~I m. sh. ~Ë, ~ËT Ai që merret me rritjen e drurëve frutorë. Pemëtar i zoti (i kujdesshëm, i njohur).
Shfaq përkufizimin e plotë →PEMËTÁR/E,~JA f. sh. ~E, ~ET Ajo që merret me rritjen e drurëve frutorë.
Shfaq përkufizimin e plotë →PEMËTÍM,~I m. sh. ~E, ~ET Veprimi kur pemëtoj a pemëtohet një parcelë, një kodër etj. Muaji i pemëtimeve.
Shfaq përkufizimin e plotë →PEMËT/ÓJ vep., ~ÓVA, ~ÚAR kal. Mbjell me pemë një parcelë, një kodër etj. Po pemëtojnë kodrat e shpatet e maleve të shpyllëzuara.
Shfaq përkufizimin e plotë →PÉM/ËZ,~ZA f., mjek. Sëmundje lëkure që shfaqet me puçrra të vogla a me njolla të kuqe dhe me të kruara; ekzemë.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë