Fjalori
PAZHVILLUAR

PAZHVILLÚAR (i, e) mb. 1. Që nuk është rritur fare ose nuk është rritur mirë, që ka mbetur pa u zhvilluar (për një njeri a për trupin e tij, për një bimë etj.); kund. i zhvilluar. Fëmijë (fetus) i pazhvilluar. Me trup të pazhvilluar. Bimë e pazhvilluar.
2. Që nuk është i zhvilluar nga ana arsimore e kulturore, i paformuar; që është karakteristik për një njeri të tillë; kund. i zhvilluar. Njeri i pazhvilluar.
3. Që ka mbetur prapa, që s’është zhvilluar, i prapambetur (për një fushë të veprimtarisë, për një vend etj.); kund. i zhvilluar. Ekonomi (industri, bujqësi) e pazhvilluar. Vend (shtet) i pazhvilluar.
4. Që nuk është zbërthyer a nuk është zgjidhur; që s’është zhvilluar, që ka mbetur pa u kryer. Probleme (ushtrime) të pazhvilluara. Çështje e pazhvilluar.
✱Sin.: i paformuar, i parritur, i rrëgjak, rrëgjuar, i prapambetur, bukamel, shtatpaktë, i paktë, i hollë, i dobët, rakitik, i paarsimuar, i pakulturuar, i ulët, i egër, i pazgjidhur, i pambaruar, i pakryer, i papjekur, dështak.

Rezultate të ngjashme

PAZHVILLUESHMËRI

PAZHVILLUESHMËRÍ,~A f. Të qenët i pazhvillueshëm, vetia e diçkaje që është e pazhvillueshme; mungesë zhvillueshmërie; kund. zhvillueshmëri. Pazhvillueshmëri e përgjithshme e organe…

Shfaq përkufizimin e plotë →
PAZHVILLUESHËM

PAZHVILLÚESH/ËM (i), ~ME (e) mb. Që nuk është i zhvillueshëm; që nuk mund të zhvillohet. Vend i pazhvillueshëm. Hapësirë e pazhvillueshme.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë