Fjalë që fillojnë me...
Fjalë me të njëjtat parashtesa ose tema fjalëformuese.
PASÍ lidh. 1. Përdoret në një fjali të varur kohore, veprimi i së cilës kryhet përpara veprimit të shprehur nga fjalia kryesore; kur, si. Pasi mbaroi studimet, filloi menjëherë punë. Pasi bëri ca hapa, u kthye djathtas.
2. Përdoret në një fjali të varur për të shprehur marrëdhënie të ndryshme shkakore; meqë, meqenëse, për shkak se..., duke qenë se... Pasi qenka puna kështu, unë po iki. Pasi marrëdhëniet u ndërlikuan, ata hoqën dorë nga kontrata.
✱Sin.: mbasi, si, kur, meqenëse, sepse.
PAS ndajf. Prapa. Mbeti pas. E la pas. Iu vu (iu qep) pas dikujt e ndoqi, e gjurmoi. Erdhi me dy veta pas. Nuk do njeri pas. E takoi pak më pas. E ka orën pas. E la për më pas. Është shumë pas në krahasim me shokët. Nuk la njeri pas.
✱Sin.: prapa, mbas, mbrapa, përmbas, përmbrapa.
♦ I bie pas (prapa). 1. (dikujt) shkoj pas dikujt; e ndjek. 2. (dikujt a diçkaje) kujdesem për dikë a për diçka vazhdimisht që të vejë në rregull e të përmirësohet, të zgjidhet mirë një çështje etj., interesohem, përkujdesem, e ndjek. E lë pas (*prapa). Mbeti pas (*prapa) (dikush). Shikon pas (*prapa) (dikush). I shkon (i vete) pas (*prapa) (dikujt). Vetë *para e vetë pas. Iu vu (iu qep) pas (*prapa) (dikujt).
PAS parafj. Përdoret me një emër a përemër në rasën rrjedhore që shënon: 1. Njeriun, sendin etj., në anën e prapme të të cilit ndodhet dikush ose gjendet a bëhet diçka, prapa; kund. përpara. Pas shtëpisë. Pas meje. Njëra pas tjetrës në radhë, të vendosura njëra prapa tjetrës. Fill pas tij. Edhe pas meje, mali do të mbetet mal. (fj. u.).
2. Njeriun, sendin etj. në drejtim me të cilin lëviz dikush a diçka nga prapa, ose të cilin e ndjek dikush a e shoqëron dikush duke ecur prapa tij. Ecte (vraponte) pas tij. I shkonte pas gjurmëve. Pas meje! komandë për ta ndjekur atë që niset në një drejtim.
3. Kohën, ngjarjen, datën etj. që shtrihet si periudhë më përpara se diçka tjetër ose që paraprin diçka të mëvonshme. Pas dreke. Pas mbledhjes. Pas mësimit. Pas shfaqjes. Pas mbarimit të punës. Pas një viti. U botuan pas vdekjes. Pas pak kohe pa kaluar shumë kohë.
4. Kohën që vijon duke u nisur nga e tanishmja. Do të vijë pas një jave. Do të mbarojë pas një viti.
5. Njeriun, me të cilin është i lidhur a për të cilin bën shumë dikush. I dhënë pas djalit. Bën shumë pas tij.
6. Punën a diçka tjetër që e do shumë dikush. Është i lidhur shumë pas punës. Është i dhënë pas muzikës.
7. Diçka, sipas së cilës bëhet një punë a një veprim; sipas. Pas këshillës së tij. E hidhte këmbën pas muzikës. Pas zakonit të vjetër. Pas porosisë që i dhanë. Pas dëshirës së tij. Pas mendjes sime.
8. bised. Dikë, me anën e të cilit dërgohet diçka a bëhet një punë; nëpërmjet, me. I çova fjalë pas së shoqes.
9. Një kohë që vijon me ndërprerje, një veprim i cili përsëritet tepër a e kalon masën. Kohë pas kohe. Herë pas here. Mbledhje pas mbledhjeje. Lëshime pas lëshimesh.
✱Sin.: mbas, prapa, mbrapa, përmbas, përmbrapa, sipas, nëpërmjet, me.
♦ E hodhi pas (prapa) *krahëve (diçka). E hodhi pas (prapa) *shpinës (diçka). Shkon pas *rrymës (dikush). E ka mendjen (i ka mendtë) pas *shpine (dikush). Ia punoi pas *shpine (dikujt).
PASIGURÍ,~A f. 1. Gjendje e pasigurt ndaj një rreziku a të keqeje; mungesë sigurie; frika që ka dikush nga një rrezik i mundshëm, nga një e papritur etj.; kund. siguri. Pasiguria p…
Shfaq përkufizimin e plotë →PASÍGURT (i, e) mb. 1. Që ka a përmban një rrezik të mundshëm; që mund të sjellë një të papritur a të keqe tjetër; i tillë ku nuk janë marrë masa mbrojtëse për të shmangur ndonjë f…
Shfaq përkufizimin e plotë →PASÍM,~I m. sh. ~E, ~ET sport. 1. Kalimi i diçkaje dorë më dorë që të arrijë deri te dikush a në një vend të caktuar. 2. sport. Hedhja e topit nga një lojtar te një tjetër (në ndes…
Shfaq përkufizimin e plotë →PASIÓN,~I m. sh. ~E, ~ET 1. psikol. Ndjenjë e fuqishme, e thellë dhe e qëndrueshme, që shfaqet me vrull dhe që përcakton sjelljen e veprimtarinë e njeriut; afekt i fuqishëm. Pasion…
Shfaq përkufizimin e plotë →PASIONÁL,~E mb. Që ka të bëjë me pasionin; që shpreh pasion, i pasionit. Historia e një krimi pasional.
Shfaq përkufizimin e plotë →PASÍQË lidh. Sepse, pse, se, për shkak se. Marrëveshja është e një rëndësie të veçantë, pasiqë mundëson shkëmbimin e informacioneve të sigurta, kriptografike dhe përdorimin e tekno…
Shfaq përkufizimin e plotë →PASÍTUR (i, e) mb. Që nuk i janë hequr me sitë krundet a papastërtitë e tjera (për miellin); që nuk është kaluar nëpër sitë; kund. i situr. Miell i pasitur. Rërë e pasitur.♦ *Miell…
Shfaq përkufizimin e plotë →PASÍV,~I m. sh. ~E, ~ET fin. Pjesë e bilancit ekonomik të një ndërmarrjeje, që përfshin të gjitha shpenzimet dhe detyrimet që ka ajo ndaj ndërmarrjeve të tjera; kund. aktiv. Aktivi…
Shfaq përkufizimin e plotë →PASÍV,~EI mb. 1. Që nuk vepron, që nuk merr pjesë në një punë a veprimtari; që nuk ndikon me forcë në zhvillimin e ngjarjeve; kund. aktiv. Njeri pasiv. Qëndresë pasive. Rol pasiv. …
Shfaq përkufizimin e plotë →PASÍV,~EII mb., fin. Që ka më shumë shpenzime se të ardhura; që ka të bëjë me pasivin e bilancit; kund. aktiv. Llogari pasive. Bilanc pasiv bilanc me shpenzime më të mëdha se të ar…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë