Fjalë që fillojnë me...
Fjalë me të njëjtat parashtesa ose tema fjalëformuese.
PARAQÍT vep., ~A, ~UR kal. 1. Nxjerr dhe i tregoj dikujt një shkresë, një dokument etj., për t’i dëshmuar se e kam në rregull, se më takon një e drejtë etj.; e sjell diçka si dëshmi, e jap si provë. I paraqiti letërnjoftimin (vërtetimin). Paraqitni biletat! Paraqiti dëshmi (prova, argumente). Paraqiti si arsye...
2. I vë përpara a i jap dikujt diçka për ta parë, për ta shqyrtuar, për të dhënë një mendim për të etj.; ia bëj të njohur për ta plotësuar a për ta zgjidhur; parashtroj. I paraqiti një lutje (një kërkesë). Paraqiti raportin. Paraqiti projektligjin. Ia paraqiti për nënshkrim (për miratim). Ia paraqiti çështjen gjyqit. Paraqiti dorëheqjen. I paraqit forcën dikujt i bëj të njohur një eprori numrin e ushtarëve ose të njerëzve të tjerë të rreshtuar për të filluar stërvitjen, ushtrimet, parakalimin etj.
3. libr. I shpreh dikujt një ndjenjë ose i tregoj qëndrimin tim. I paraqiti dashurinë. I paraqiti nderimet (falënderimet). I paraqit ngushëllimet e mia.
4. Ua tregoj për ta parë të pranishmëve, vizitorëve, shikuesve etj. një vepër, një prodhim, një shfaqje etj.; u bëj të njohura me pak fjalë disa të dhëna për një vepër a për një program; tregoj. Paraqiti një libër të ri. Paraqiti programin.
5. Përshkruaj me gojë a me shkrim dikë a diçka, e tregoj si është; shtjelloj; e jap diçka nëpërmjet një vepre artistike. E paraqiti hollësisht (me pak fjalë). E ka paraqitur drejt (bukur). Varet si ta paraqitësh çështjen.
6. Bëj të njohur dikë me një tjetër të pranishëm a me një rreth shoqëror, duke thënë emrin e tij, profesionin, detyrën etj.; e njoh dikë me një tjetër për herë të parë. Ia paraqiti i vëllai. E paraqit veten për... hiqet, e mban veten për...
7. E propozoj dikë si kandidat për një punë, për t’u zgjedhur në një organ etj.; bëj një propozim. Paraqitën kandidatët për deputetë. Paraqiti kandidaturën e tij.
8. vet. v. III Ka, nxjerr, përmban. Paraqit vështirësi (pengesa). Nuk paraqit rrezik.
✱Sin.: qit (qis), qes, tregoj, nxjerr, jap, bëj, shfaq, parashtroj, shtroj, shpalos, sjell, tregoj, vë, demonstroj, prezantoj, shpreh, pasqyroj, njoh, kam, rrëfej, shtjelloj, hap, përshkruaj.
PARAQ/ÉS vep., ~ÍTA, ~ÍTUR kal. Paraqit.
►PARAQÍT/EM jovep., ~A (u), ~UR 1. vetv. Shkoj te dikush që më ka kërkuar; vete në vendin e punës a diku tjetër ku duhet të jem në një kohë të caktuar; shkoj diku për të marrë pjes…
Shfaq përkufizimin e plotë →PARAQÍTJ/E,~A f. sh. ~E, ~ET 1. Veprimi kur paraqit ose kur paraqitem. Paraqitja e dokumenteve. Paraqitja në punë (në detyrë). Paraqitja e natyrës në pikturë. Paraqitja e lëndës së…
Shfaq përkufizimin e plotë →PARAQÍTSH/ËM (i), ~ME (e) mb. 1. I hijshëm nga pamja e jashtme, me pamje tërheqëse; i pashëm. Burrë i paraqitshëm.2. Që mund të paraqitet a të shfaqet para të tjerëve a diku; i eks…
Shfaq përkufizimin e plotë →PARAQÍTUR (i, e) mb. I shpalosur, i ekspozuar. Materiali i paraqitur. Dokumentet e paraqitura.
Shfaq përkufizimin e plotë →PARAQÍTUR,~IT (të) as. Paraqitje. Ka të bëjë edhe mënyra e të paraqiturit.
Shfaq përkufizimin e plotë →PARAQÍTËS,~I m. sh. ~, ~IT 1. Ai që paraqit një shkresë, një dokument etj. Paraqitësi i lutjes (i kërkesës). I jepet (i dorëzohet) paraqitësit. 2. Ai që paraqit programin në një sh…
Shfaq përkufizimin e plotë →PARAQÍTËS,~E mb. Që jep me pak fjalë e në mënyrë përshkruese, pa analizë kritike, përmbajtjen e një vepre, të një programi artistik etj. Artikull paraqitës.
Shfaq përkufizimin e plotë →PARAQÍTËS/E,~JA f. sh. ~E, ~ET 1. Ajo që paraqit një shkresë, një dokument etj. Paraqitësja e përfundimeve të testit.2. Ajo që paraqit programin në një shfaqje (në festival, në kon…
Shfaq përkufizimin e plotë →PARAQÍELLZ,~A f., anat. Pjesa e zgavrës së gojës midis dhëmbëve dhe qiellzës.
Shfaq përkufizimin e plotë →PARAQIELLZÓR,~E mb., gjuh. Që nyjëtohet në paraqiellz; trysur, alveolar. Bashkëtingëllore paraqiellzore.✱Sin.: alveolar, trysur.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë