Fjalori
PAKEM

►PÁK/EM jovep., ~A (u), ~UR vetv. 1. Zvogëlohem e rrëgjohem nga pleqëria a nga një sëmundje.
2. Mpakem. U pak nga gazi. Iu pak zemra.
✱Sin.: mpakem, vogëlohem, zvogëlohem, rrëgjohem, tkurrem, thahem, dobësohem, fishkem.

Rezultate të tjera nga lematizimi ose nga ngjashmëria me formën përfaqësuese: PAK
PAK

PAK vep., ~A, ~UR kal. 1. E bëj më të pakët, e zvogëloj, e rrëgjoj. E paku mosha (hallet, vdekja e të birit).

2. Mpak. E pakën vuajtjet.

✱Sin.: mpak, vogëloj, zvogëloj, rrëgjoj.

PAK

PAK pacak. 1. Tregon në mënyrë të pacaktuar një numër të vogël qeniesh, sendesh, dukurish etj., një sasi a masë të vogël; kund. shumë. Pak njerëz (nxënës, sportdashës). Pak ndërtesa (shkolla). Pak kohë më parë. Pak lekë (para). Kishte pak pluhur (baltë). Ka pak të ngjarë. Me pak fjalë shkurt. Më mirë pak e sak, se shumë e për lumë. (fj. u.). Fjalë pak e punë shumë. (fj. u.).
2. Përdoret për të treguar në mënyrë të pacaktuar një numër të vogël ose një pjesë të vogël të një tërësie qeniesh a sendesh; kund. shumë. Pak nga të ftuarit. Pak ishin të pavendosur. Pak nga të tëra. Erdhën pak, të tjerët s’u dukën. Mori pak, të tjerat i la.
✱Sin.: ca, disa.

PAK

PAK ndajf. 1. Në një shkallë jo të lartë, në një masë të vogël; kund. shumë. Pak fare. Pak a shumë në një farë mase, deri diku. Çdo ditë e më pak. Ku më pak e ku më shumë. Lexon (shkruan) pak. Djeg (shkëlqen) pak. Prodhon (jep) pak. Kënaqej me pak. Është bërë pak në këtë drejtim. Mbetet edhe pak për të bëri. Pak se... jo vetëm që..., nuk mjafton që... Për pak pothuaj, gati sa; për një fije, për një qime. Pak (e) nga pak ca nga ca, dalëngadalë. Qeni qe leh pak, të bën me gjak. (fj. u.).
2. Jo aq sa duhet a sesa është e nevojshme. Ka fjetur pak. Ka zier pak. Ka ngrënë pak. Ke ndenjur pak në diell. E ka mprehur pak. Pak e ka!
3. Jo shumë kohë, jo gjatë. Ndenji pak. S’ka pak që u kthye. Prit pak! Heshti pak. Rri dhe pak. Të mendohem dhe pak. Era mbajti pak.
4. Përdoret përpara një mbiemri a një ndajfoljeje për të treguar një shkallë jo të lartë të cilësisë së një frymori, të një sendi etj. ose të veprimit a të gjendjes; kund. shumë. Pak i egër. Pak i ftohur. Pak i shkuar në moshë. Pak i zbehtë. Pak më gjerë. Pak më shumë.
5. Përdoret përpara shkallës krahasore të sipërisë të një mbiemri a ndajfoljeje për të treguar një farë dallimi cilësor ndërmjet gjymtyrës së parë e gjymtyrës së dytë të krahasimit; kund. shumë. Është pak më i fortë (më i mprehtë, më i përgatitur) se tjetri. Vrapon pak më shpejt (më ngadalë) se ai. Pak më mirë (më keq) se... Pak më tej (më poshtë).
✱Sin.: paksa, pakëz, ndopak, ca, diçka, ndoca, disi, diç, butë, lehtë, pjesërisht, çikë, çka, cazë, pamjaftueshëm, shkurt.
♦ As më *shumë e as më pak.

PAK

PAK pj. Përdoret pas një foljeje në mënyrën urdhërore për të zbutur urdhrin, kërkesën etj. që shprehet prej saj. Ma jep pak shkrepësen! Hape pak dritaren! Thuaji pak të vijë!

Rezultate të ngjashme

PAKEPUR

PAKÉPUR (i, e) mb. I pakalitur, i pacokatur; kund. i kepur. Kosë (sëpatë) e pakepur.

Shfaq përkufizimin e plotë →
PAKEQ

PAKÉQ (i), ~E (e) mb. Që nuk është i keq.

Shfaq përkufizimin e plotë →
PAKETIM

PAKETÍM,~I m. sh. ~E, ~ET Veprimi kur paketoj diçka ose kur paketohet diçka. Makinë paketimi. Paketimi i lodrave për Vitin e Ri.

Shfaq përkufizimin e plotë →
PAKETOHET

►PAKET/ÓHET jovep., ~ÚA (u), ~ÚAR pës., vet. v. III e PAKETÓJ.

Shfaq përkufizimin e plotë →
PAKETOJ

PAKET/ÓJ vep., ~ÓVA, ~ÚAR kal. Mbështjell me diçka të fortë sende të ndryshme për t’i mbrojtur gjatë mbartjes ose për t’i ruajtur; fut diçka në kuti të vogla a në paketa. Paketon l…

Shfaq përkufizimin e plotë →
PAKETUAR

PAKETÚAR (i, e) mb. Që nuk është i paketuar; kund. i papaketuar.

Shfaq përkufizimin e plotë →
PAKETUES

PAKETÚES,~I m. sh. ~, ~IT Ai që paketon sende të ndryshme. Punon si paketues.

Shfaq përkufizimin e plotë →
PAKETUES

PAKETÚES,~E mb. Që shërben për të paketuar diçka; që paketon. Makinë paketuese.

Shfaq përkufizimin e plotë →
PAKETUESE

PAKETÚES/E,~JA f. sh. ~E, ~ET Ajo që paketon sende të ndryshme Paketuese veshjesh.

Shfaq përkufizimin e plotë →
PAKETË

PAKÉT/Ë,~A f. sh. ~A, ~AT 1. Kuti e vogël prej kartoni. Fut në paketë.2. Sende të ndryshme të mbështjella me letër të fortë a me diçka tjetër; pako e vogël. Paketë plasëse (tymuese…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë