Fjalë që fillojnë me...
Fjalë me të njëjtat parashtesa ose tema fjalëformuese.
PËRGATÍT (PËRGATÍS) vep., ~A, ~UR kal. 1. E bëj gati diçka, që të jetë në gjendje të përdoret për një punë a të shfrytëzohet. Përgatit makinën për rrugë të gjatë. Përgatit dhomën e shtratin. Përgatit tryezën.
2. Mbledh, grumbulloj e përpunoj diçka për ta përdorur më vonë a në një kohë të përshtatshme. Përgatit veglat e punës. Përgatit materialet e nevojshme mbledh në një vend gjërat e nevojshme për një punë.
3. Mbledh gjërat që më duhen e i rregulloj në një vend (në një arkë, valixhe, bohçe, çantë) për t’i marrë me vete; ndreq, rregulloj, bëj gati. Përgatit valixhen (plaçkat) për rrugë. Përgatit rrobat e dimrit (e verës).
4. E bëj diçka në një mënyrë të caktuar, përpunoj (duke përzier gjëra të ndryshme etj.); gatuaj. Përgatit gjellën (një pije). Përgatit një bar (një ilaç). Përgatit drekën (darkën).
5. Bëj a prodhoj diçka të re, krijoj; hartoj. Përgatiti një recital të ri. Përgatiti një tekst më të mirë. Përgatitën modele të reja fustanesh.
6. I jap dikujt njohuritë e shprehitë e nevojshme për të kryer një punë, e mësoj; e bëj dikë të aftë për diçka, duke e stërvitur rregullisht. Përgatit punonjës të aftë. Përgatit mësues (inxhinierë, informatikanë, mjekë). I përgatitën për ndeshjen e mbetur. E përgatiti për provime.
7. Ia them dikujt tërthorazi e jo menjëherë një lajm të keq, në mënyrë që të mos tronditet shumë kur ta mësojë plotësisht; e sjell në një gjendje që ta durojë të keqen, që ajo të mos i vijë si e papritur. E përgatiti shpirtërisht. E përgatiti për ta njoftuar për vdekjen e prindit.
8. Kam ndër mend të bëj diçka, shestoj. Përgatitnin plane të reja. Përgatitin programe të reja kompjuterike.
9. Ia hyj një pune për të arritur një qëllim.
10. Marr masat e nevojshme për të nisur diçka. Përgatitën takimin ministror (ndërministror) të radhës.
✱Sin.: gatit, ormis, hazëroj, nxjerr, bëj, ndreq, zbukuroj, rregulloj, shtroj, teletis, përpunoj, gatuaj, zë, prodhoj, krijoj, pajis, sajoj, hartoj, arsimoj, edukoj, rris, aftësoj, kalis, stërvit, brumos, brumoj, formoj, ushtroj, parapërgatit, shestoj, përvijoj, ravijëzoj, mendoj.
►PËRGATÍT/EM jovep., ~A (u), ~UR 1. vetv. Marr masat paraprake që duhen për të nisur një punë; pajisem me mjetet e veglat e nevojshme për të bërë diçka; gjej a bëj gati gjithë sa d…
Shfaq përkufizimin e plotë →PËRGATÍTJ/E,~A f. sh. ~E, ~ET 1. Veprimi kur përgatit dikë apo diçka ose kur përgatitem. Përgatitja për punë e rrjetit kompjuterik. Përgatitja e financierëve të rinj. Përgatitja e …
Shfaq përkufizimin e plotë →PËRGATITÓR,~E mb. 1. Që bëhet para se të fillojë mirë një punë a një veprimtari; që bëhet më parë për të ndihmuar që të fillojë mbarë e të kryhet mirë diçka, që bëhet për t’u përga…
Shfaq përkufizimin e plotë →PËRGATITÓR/E, ~JA f. sh. ~E, ~ET vjet. Shkollë përgatitore.✱Sin.: përgatitës, gatitor, paraprak, stërvitor, parapërgatitor.
Shfaq përkufizimin e plotë →PËRGATÍTUR (i, e) mb. Që ka fituar njohuritë, shprehitë dhe përvojën e duhur për të kryer një punë a veprimtari të caktuar; i mësuar; që ka bërë përgatitjen e duhur për një punë a …
Shfaq përkufizimin e plotë →PËRGATÍTËS,~I m. sh. ~, ~IT Ai që përgatit diçka, ai që kryen disa punë përgatitore. Përgatitësi i gjimnasteve të reja.
Shfaq përkufizimin e plotë →PËRGATÍTËS,~E mb. Që përgatit diçka; që merret me punë përgatitore; përgatitor. Komision përgatitës.
Shfaq përkufizimin e plotë →PËRGATÍTËS/E,~JA f. sh. ~E, ~ET Ajo që përgatit diçka, ajo që kryen disa punë përgatitore. Përgatitëset e modeleve të reja. Përgatitëset e gjimnasteve të vogla.
Shfaq përkufizimin e plotë →PËRGATÉS/Ë,~A f. sh. ~A, ~AT spec. Prodhim kimik që përdoret si bar; lëndë kimike e përpunuar posaçërisht që përdoret për eksperimentime etj.; preparat.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë