Fjalë që fillojnë me...
Fjalë me të njëjtat parashtesa ose tema fjalëformuese.
PËRFSHÍ/J vep., ~VA, ~RË kal. 1. E pushtoj dikë a diçka me një krah ose me të dy krahët, e rrok. Aq sa më përfshijnë krahët. Ahun s’e përfshinin dot dy burra.
2. E kap, zakonisht me forcë a me rrëmbim; e mbërthej për diçkaje. E përfshiu për flokësh. E përfshiu nga jaka. E kish përfshirë pas beli.
3. E marr dikë a diçka me vete e me vrull, e rrëmbej, e përlaj. E përfshinë valët (dallgët). I përfshiu era (veriu) çadrat. E përfshiu tufani zonën.
4. E ha krejt, e mbaroj me shpejtësi; e shfaros. E përfshiu të gjithë gjellën. I përfshiu kolera.
5. Pushtoj një vend me forcë dhe në mënyrë të shpejtë. Përfshinë gjysmën e Evropës. Përfshinë stepat e Azisë.
6. E shtoj në përbërjen e diçkaje, e shtie, e fut. Përfshij në tekst (në program). E përfshinë edhe atë çështje në bisedime. E përfshinë në marrëveshje.
7. E bëj dikë të marrë pjesë diku. E përfshinë në grupin e negociatorëve.
8. vet. v. III Ka në përbërjen e vet, përmban. Përfshin një numër të madh veprash.
9. vet. v. III Përhapet në një vend me shpejtësi e me vrull (një dukuri, një sëmundje etj.); e rrëmben dikë a diçka. Reshjet kanë përfshirë gjithë vendin. I përfshiu hovi i ndryshimeve. Epidemia përfshin gjithë zonën.
10. fig. E rrok tërësisht diçka a dikë me sy a me mend, e kap menjëherë e tërësisht. E përfshiu me një sy (me një vështrim, me një shikim). Sa të përfshin syri.
✱Sin.: pushtoj, rrok, zë, mbërthej, përlaj, fshij, rrëmbej, ha, shfaros, gllabëroj, zhduk, fut, vë, shtie, përmbaj, përmbledh, përmbyll, rrok, kap, marr, ngërthej, numëroj, pushtoj, prek.
PËRFSHÍRËS,~E mb. 1. Që përfshin diçka. Vështrim përfshirës. 2. Që të rrëmben, që të zhduk. Ortek përfshirës. Dallgë përfshirëse.✱Sin.: përlarës, rrëmbyes, tërheqës, çarmatosës.
Shfaq përkufizimin e plotë →►PËRFSHÍ/HEM jovep., ~VA (u), ~RË 1. vetv. Marr pjesë në një veprimtari, hyj si pjesëmarrës diku. U përfshi në lëvizjen studentore.2. vetv., vet. v. III Është pjesë përbërëse e diç…
Shfaq përkufizimin e plotë →PËRFSHÍ/J vep., ~VA, ~RË kal. 1. E pushtoj dikë a diçka me një krah ose me të dy krahët, e rrok. Aq sa më përfshijnë krahët. Ahun s’e përfshinin dot dy burra.2. E kap, zakonisht me…
Shfaq përkufizimin e plotë →PËRFSHÍRJ/E,~A f. Veprimi kur përfshij ose kur përfshihem diku. Përfshirja e gruas në veprimtarinë politike e shoqërore.✱Sin.: pjesëmarrje, pushtim, rrëmbim, rrokje, mbërthim, futj…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë