Fjalori
PËLQEHEM

►PËLQ/ÉHEM jovep., ~ÉVA (u), ~ÝER 1. vetv., kryes. sh. Pëlqej dikë dhe ai më pëlqen mua. Ata u pëlqyen, pastaj u martuan.
2. pës. e PËLQÉJ. Pëlqehet nga të gjithë.

Rezultate të tjera nga lematizimi ose nga ngjashmëria me formën përfaqësuese: PËLQEJ
PËLQEJ

PËLQ/ÉJ vep., ~ÉVA, ~ÝER kal. 1. Më duket e mirë, e këndshme a e shijshme diçka, me kënaq; më duket i bukur, i mirë a i këndshëm dikush, ndiej kënaqësi kur e shoh, kur e dëgjoj ose kur rri me të. E pëlqeu celularin. E pëlqeu ekspozitën. S’më pëlqen kjo gjë. E pëlqeu varësen. Në të pëlqen, mbaje! A të pëlqen libri? Filmi më pëlqeu shumë.. Ç’i pëlqen atij? Nuk më pëlqeu sjellja e tij (qëndrimi i tij). S’më pëlqeu që ti fole ashtu. Në të pëlqen trëndafili, duhet të durosh edhe gjembat. (fj. u.). Kush leu, mëmën e vet pëlqeu. (fj. u.). I lëshuan mendtë në Fushë-Mbret, gjithkush pëlqeu mendtë e vet. (fj. u.).
2. Më duket e përshtatshme, e arsyeshme dhe me vend diçka, e quaj të dobishme a të mirë; e miratoj, e pranoj. E pëlqej mendimin (vendimin). Pëlqej pikëpamjen e tij (fjalët e saj). Hesapi i shtëpisë nuk pëlqen me të çarshisë. (fj. u.).
3. vet. v. III (me një trajtë të shkurtër të përemrit vetor në r. dhanore) Dua të merrem me diçka, e kam qejf, kam dëshirë; më jep kënaqësi. Më pëlqen puna (mësimi, sporti, gjahu). Më pëlqen të punoj (të lexoj). Më pëlqen leximi (muzika). Të pëlqen, s’të pëlqen, kjo duhet bërë. I pëlqen të japë urdhra.
4. (me një trajtë të shkurtër të përemrit vetor në r. dhanore) I ngjall dashuri dikujt. Ti i pëlqen asaj. I ka pëlqyer e do ta marrë.
✱Sin.: pëlqej, kënaq, dua, simpatizoj, shijoj, miratoj, tërheq, dëshiroj, çmoj, honeps, afroj, qas, pranoj, tumir.
♦ I pëlqen *mendja (e vet) (dikujt).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë