Fjalë që fillojnë me...
Fjalë me të njëjtat parashtesa ose tema fjalëformuese.
OBJÉKT,~I m. sh. ~E, ~ET 1. Çdo gjë materiale, që mund të kapet nga organet e shqisave si diçka me vete; send. Objekt i gjallë. Objektet e natyrës. Grup (grumbull) objektesh.
2. Send, mjet, përdorëse etj. që i hyn në punë njeriut për të plotësuar nevojat dhe për të përmbushur kërkesat e tij; send i tillë me vlerë arkeologjike, etnografike etj. Objektet shkollore. Objekte me vlerë. Objekte të nevojshme (të domosdoshme). Objekte arkeologjike (etnografike). Objekte zbukurimi. Objekte prej bakri (prej ari).
3. Ndërtesë ku prodhohet diçka ose kryhet një veprimtari industriale, bujqësore etj., që ndërtohet për qëllime të caktuara. Objekte ekonomike. Objekt industrial (bujqësor, ushtarak). Objekte social-kulturore. Punohet në pesë objekte njëkohësisht. Po ndërtohen shumë objekte të reja.
4. filoz. Bota materiale me sendet e dukuritë e saj, që ekziston jashtë nesh e pavarësisht nga ne, që nuk varet nga ndërgjegjja e që është parësore kundrejt saj dhe që i nënshtrohet veprimtarisë njohëse të njeriut. Objekti i njohjes. Objekti dhe ideja.
5. Qenie, send a dukuri, ku përqendrohet vëmendja jonë ose që i nënshtrohet një studimi, një vëzhgimi, a një veprimi; ajo me të cilën merret shkenca, arti etj.; përmbajtja themelore e diçkaje; qëllimi ku synon një veprimtari, objektiv. Objekt studimi (vëzhgimesh, kërkimesh). Objekti i diskutimit (i mbledhjes). Objekti i një vepre (i një shkence). Objekti i filozofisë (i gjuhësisë, i pedagogjisë). E arriti objektin. Ka objekt të sajin muzeumologjinë dhe trashëgiminë kulturore.
✱Sin.: send, mjet, përdorëse, ndërtesë, vepër, objektiv.
OBJEKTÍV,~E mb. 1. filoz. Që ekziston jashtë ndërgjegjes dhe pavarësisht prej saj, që nuk varet nga ndërgjegjja dhe që është parësore kundrejt saj; kund. subjektiv. Bota objektive.…
Shfaq përkufizimin e plotë →OBJEKTÍV,~II m. sh. ~A, ~AT Pjesë e një aparati optik, që përbëhet nga një ose nga disa thjerrëza dhe që vihet përballë një sendi, një njeriu etj. për ta parë a për ta fotografuar.…
Shfaq përkufizimin e plotë →OBJEKTÍV,~III m. sh. ~A, ~AT 1. Sendi a pika ku drejtohet syri i njeriut a një aparat optik për ta parë ose për ta fotografuar. Hodhi sytë nga objektivi. Drejtoi aparatin tek objek…
Shfaq përkufizimin e plotë →OBJEKTIVÍSHT ndajf. 1. filoz. Jashtë ndërgjegjes dhe pavarësisht prej saj, para ndërgjegjes dhe pa u varur prej saj; kund. subjektivisht. Është (ekziston) objektivisht.2. Në mënyrë…
Shfaq përkufizimin e plotë →OBJEKTIVÍST,~E mb., filoz. Që mbështetet tek objektivizmi, që karakterizohet e përshkohet nga objektivizmi; që beson se e vërteta ekziston jashtë mendjes njerëzore, pavarësisht ndj…
Shfaq përkufizimin e plotë →OBJEKTIVÍST,~I m. sh. ~Ë, ~ËT Ai që mendon, gjykon ose vepron duke u bazuar në fakte të verifikueshme dhe në arsyetim logjik, jo në ndjesi personale; përkrahës i objektivizmit. Obj…
Shfaq përkufizimin e plotë →OBJEKTIVÍST/E,~JA f. sh. ~E, ~ET Ajo që mendon, gjykon ose vepron duke u bazuar në fakte të verifikueshme dhe në arsyetim logjik, jo në ndjesi personale; përkrahëse e objektivizmit…
Shfaq përkufizimin e plotë →OBJEKTIVITÉT,~I m. 1. filoz. Të qenët objektiv, karakteri objektiv; kund. subjektivitet. Objektiviteti i botës (i materies, i hapësirës dhe i kohës).2. fig. Të qenët objektiv në vë…
Shfaq përkufizimin e plotë →OBJEKTIVÍZ/ËM,~MI m. Parim shkencor, që i vlerëson dukuritë shoqërore ashtu siç janë në të vërtetë; objektivitet; prirje për të theksuar atë që është e jashtme ose e pavarur nga me…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë