Fjalori
NXEHJE

NXÉHJ/E,~A f. 1. Veprimi kur nxeh apo kur nxehem a nxehet diçka; kund. ftohje. Nxehja e ujit (e trupit). Bymimi (skuqja) e metalit nga nxehja.
2. sport. Lëvizje të shpejta e të shkathëta, që bëjnë sportistët për të ngrohur muskujt para një ndeshjeje a gare. Bëjnë nxehjen. Vrapojnë për të bërë nxehjen. U fut në lojë pa bërë nxehjen.
✱Sin.: përavullim, ngrohje, zemërim.

Rezultate të tjera nga lematizimi ose nga ngjashmëria me formën përfaqësuese: NXEH
NXEH

NXEH vep., ~A, ~UR kal. 1. E bëj të nxehtë a më të nxehtë, i ngre shumë temperaturën, i jap nxehtësi; kund. ftoh. Nxeh ujin. Nxeh hekurin sa e skuq. Nxeh në zjarr. Nxeh mirë (shumë). E ka nxehur rërën dielli. Duhet ta nxehim edhe ca.
2. I shtie dru, qymyr etj. furrës a sobës që të bëjë zjarr të mirë. E nxehu mirë sobën.
3. fig. E bëj dikë që të zemërohet shumë, e inatos, i ngre nervat. E nxehu me fjalë. - Mos më nxeh tani me këtë çështje! - Mos e nxeh!
4. jokal. Lëshon nxehtësi, jep nxehtësi. Nxeh dielli. Nxeh zjarri.
✱Sin.: përavulloj, ngroh, skuq, vapëtoj, zemëroj, nevrikos, inatos, djeg, zhegoj.
♦ I nxehu (i ndezi) *gjakrat (dikush). Mos më nxeh *kryet! bised.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë