Fjalori
NUMËROHEM

►NUMËR/ÓHEM jovep., ~ÓVA (u), ~ÚAR 1. vetv., vet. v. III Arrin një sasi të caktuar. Numërohen 300 anëtarë të rinj. Numërohen me gishta.
2. pës. e NUMËRÓJ. Numërohen librat. Numërohet si vend i zhvilluar. Thanat nuk numërohen. (fj. u.). gjërat pa vlerë nuk numërohen, nuk vihen re.
✱Sin.: llogaritet, njihet, zihet.
♦ I numërohen *brinjët (dikujt). Numërohen me *gisht (me gishtat e dorës).

Rezultate të tjera nga lematizimi ose nga ngjashmëria me formën përfaqësuese: NUMËROJ
NUMËROJ

NUMËR/ÓJ vep., ~ÓVA, ~ÚAR kal. 1. Përcaktoj sasinë a shumën e diçkaje, duke e shprehur me shifra; gjej sasinë si numër; njeh. Numëroj nxënësit në klasë. Numëroi librat (të hollat). Numëroi arkat (shishet). Numëroj votuesit (pjesëmarrësit). Numëroj ditët që kanë mbetur.
2. Përmbaj në një tërësi, përfshij; ka në përbërjen e vet, përmbledh. Kompania numëron disa filiale. Fshati numëron njëzet shtëpi. - Më numëro edhe mua me ta!
3. fig. E quaj, e mbaj për dikë a për diçka, e vlerësoj si të tillë, nuk e konsideroj. E numërojnë si punëtor (si mjek) të mirë. S’e numëronte më për djalë. Nuk e numëron fare nuk e përfill, nuk e quan për gjë fare, nuk e zë në hesap.
4. Ia them dikujt një për një të metat, gabimet e fajet. Ia numëroi gabimet një për një. Ia numëroi të gjitha pa iu dridhur qerpiku. Ia numëroi ndër sy.
5. Zbraz armën disa herë kundër dikujt. Ia numëroi në lule të ballit. Ia numëroi të shtata.
6. jokal. Emëroj numrat varg njërin pas tjetrit. Numëroi deri në një mijë. Ka mësuar të numërojë deri në pesëdhjetë (për fëmijën). Numëron me gishta. Numëron mbrapsht.
✱Sin.: njeh, çnjeh, përmbaj, përfshij, përmbledh, quaj, vlerësoj, llogarit, zë, mbaj, zbraz, katroj, shkreh.
♦ Bën në *vend numëro (dikush a diçka). Numëroj *ditët. Numëron *gishtat (dikush) tall. I numëron *kafshatat (dikujt). Numëron (vret) *miza (dikush). Numëron deri në *një (dikush) iron., tall. Numëron *qimet e postiqes (dikush) tall. Numëron *tespihet (dikush). Numëron *thanat (dikush) tall. Numëroj *yjet.

Rezultate të ngjashme

NUMËROJ

NUMËR/ÓJ vep., ~ÓVA, ~ÚAR kal. 1. Përcaktoj sasinë a shumën e diçkaje, duke e shprehur me shifra; gjej sasinë si numër; njeh. Numëroj nxënësit në klasë. Numëroi librat (të hollat).…

Shfaq përkufizimin e plotë →
NUMËROR

NUMËRÓR,~E mb. 1. Që ka të bëjë me numrin si sasi, numerik. Të dhëna numërore. Raport numëror i zhdrejtë brezash.2. gjuh. Që tregon numër. Mbiemër numëror. Lokucion numëror.

Shfaq përkufizimin e plotë →
NUMËROR

NUMËRÓR,~I m. sh. ~Ë, ~ËT 1. gjuh. Pjesë e ligjëratës, që tregon sasinë ose rendin e sendeve sipas numrit. Numëror themelor. Numëror rreshtor. Numëror i thjeshtë (i përbërë, i përn…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë