Fjalori
NJËSHE

NJË́SH/E,~JA f. sh. ~E, ~ET 1. Enë që nxë një njësi. E bëri kafen në njëshe.
2. Dhomë me një shtrat për një njeri. Njëshet janë zënë.
3. Këngë në një zë. Ia mori një njësheje.
4. mat., sh. Numrat nga një deri në nëntë, që formojnë shtyllën e parë nga e djathta në numrat me shumë shifra. Mbledhim njëshet. Shtylla e njësheve. Veprimet me njëshe.

Rezultate të tjera nga lematizimi ose nga ngjashmëria me formën përfaqësuese: NJËSH
NJËSH

NJËSH ndajf. 1. Bashkë me një tjetër a me të tjerë, tok e të pandarë, duke qenë të shkrirë në një njësi të vetme, së bashku; kund. veç. U bënë njësh. Rrojnë njësh. Erdhën (vajtën) njësh. Punojnë njësh. Shkruhen njësh (fjalët).
2. Njëlloj, njësoj, një, barabar; në mënyrë të njëtrajtshme; në mënyrë të shkrirë e të padallueshme, rrafsh. U bë njësh me tokën (me gurët, me shkëmbin). Qielli ishte bërë njësh me detin. Ecte njësh me ne. Këndojnë njësh këndojnë në një zë.
3. bised. Në të njëjtën kohë, njëkohësisht. I kanë ndërtuar shtëpitë njësh.
4. Në një pjesë, në një fill etj. (përdoret edhe së bashku me parafjalën më). E bëj (e hap) më njësh çarçafin. E bëri perin (fillin) (më) njësh.
♦ Bëhem njësh (një). 1. Shtrihem rrafsh (me tokën), puthitem; shkrihem. 2. (me dikë). Bashkohem a lidhem fort me dikë, s’na ndan dot askush.
✱Sin.: bashkë, tok, njëmëzaj, mënjëzaj, një trup, njëlloj, njëherësh, njëfish, bitevi.

NJËSH

NJË́SH,~E mb. Që merr vetëm një njësi, që nxë një njësi (zakonisht për enët); që është për një njeri. Xhezve njëshe. Barkë njëshe. Dhomë njëshe. Shtrat njësh. Fill njësh. Bllok njësh. Këngë njëshe këngë në një zë. Gur njësh (ndërt.) gur për qoshe muri.
✱Sin.: njëjar, njëfish, tek.

NJËSH

NJË́SH,~I m. sh. ~A, ~AT 1. Numri një. Më i madh se njëshi. Rrënja katrore e njëshit është një.
2. fig., vet. nj. Një njeri, një qenie a një send, duke e marrë veças.
3. Nota më e ulët në sistemet e vlerësimit të dijeve me pesë ose me dhjetë nota. Mori njësh. I vuri njësh.
4. vjet. Nota më e mirë e vlerësimit të dijeve në sistemin me katër nota. Mori njësh.
5. Asi (në lojën me letra). Hodhi njëshin. Kam dy njësha.

Rezultate të ngjashme

NJËSHEKULLOR

NJËSHEKULLÓR,~E mb. Që ka zgjatur një shekull, që është kryer gjatë një shekulli. Rruga njëshekullore. Monument njëshekullor. Ullinj njëshekullorë. Rrap njëshekullor.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë