Fjalë që fillojnë me...
Fjalë me të njëjtat parashtesa ose tema fjalëformuese.
NGUSHT/Ë,~A f. Vështirësi; pozitë a situatë e vështirë.
NGÚSHTË (i, e) mb. 1. Që ka një shtrirje të vogël në gjerësi; që ka një gjerësi më të vogël se ajo që nevojitet; kund. i gjerë. Rrugë (rrugicë) e ngushtë. Brez (rrip) i ngushtë toke. Daltë e ngushtë. Me shpatulla të ngushta.
2. Që puthitet shumë pas trupit, që nuk është i gjerë sa duhet, që të shtrëngon; kund. i lirë, i gjerë. Pantallona të ngushta. Mëngë të ngushta. Këpucë (çizme) të ngushta. Më rrinë të ngushta rrobat.
3. Që ka hapësirë të vogël, që nxë pak; kund. i gjerë, i hapësirshëm. Korridor i ngushtë. Oborr i ngushtë. Dhomë e ngushtë.
4. Që përfshin një numër të vogël njerëzish, pjesëmarrësish a anëtarësh, i kufizuar; kund. i gjerë; masiv. Rreth (grup) i ngushtë shoqëror. Organizatë e ngushtë. Mbledhje të ngushta. Numër i ngushtë të ftuarish. Bisedë e ngushtë.
5. Që është shumë afër me një tjetër, që nuk ka largësi të mjaftë. Radhë të ngushta. Rreshta pemësh frutore të ngushta. Ndarje të ngushta me rafte.
6. fig. Që nuk i kalon disa caqe dhe që lidhet me një fushë të vogël dijesh, njohurish, veprimtarie etj.; i kufizuar; kund. i gjerë, i hapët. Specializim (specialitet) i ngushtë. Sferë e ngushtë. Profil i ngushtë. Në një kornizë të ngushtë. Fushë e ngushtë studimi.
7. fig. Që i kap gjërat në mënyrë të kufizuar, që i mungon gjerësia e mendimit; që shikon vetëm një fushë të vogël, që përfshin pak gjëra, i kufizuar. Politikan i ngushtë. Me mendje të ngushtë. Horizont (botëkuptim) i ngushtë. Pikëpamje (koncepte) të ngushta. Interesa të ngushta vetjake. Kuptim i ngushtë i një çështjeje. Mendon në mënyrë të ngushtë. Doli nga rrethi i ngushtë. Shpirti i ngushtë i një kolektivi.
8. fig. Që ka shpirt të vogël, që nuk është bujar e i hapur me të tjerët; zemërngushtë, shpirtvogël. I ngushtë nga zemra. U tregua i ngushtë.
9. fig. Që ka lidhje të drejtpërdrejta e të afërta me një tjetër; që është shumë i afërt e miqësor me një tjetër; që bëhet me përzemërsi dhe me afërsi; i afërt, i përzemërt. Bashkëpunim i ngushtë. Takime (biseda) të ngushta. Marrëdhënie (lidhje) të ngushta. Mik (shok) i ngushtë. Miqësi e ngushtë. Në lidhje të ngushtë me situatën.
10. fig. I vështirë, i rëndë për t’u përballuar. Gjendje e ngushtë. Iu ndodh në ditë të ngushtë e ndihmoi kur ishte në vështirësi.
11. Që dëshpërohet lehtë e s’sheh rrugëdalje; ndjellakeq, i rrëmaçët. Është i ngushtë, stresohet për çdo gjë. Është i ngushtë për nga natyra.
12. mat. Që është më i vogël se nëntëdhjetë gradë. Kënd i ngushtë.
13. sport. Që ka ndryshim shumë të vogël në pikë. Rezultat i ngushtë.
14. I mirëfilltë, i drejtpërdrejtë. Kuptimi i ngushtë i një fjale. Në kuptimin e ngushtë të fjalës.
15. gjuh. Që shqiptohet duke i afruar shumë buzët e duke e ngritur shumë lart gjuhën (për zanoret). Zanore e ngushtë.
✱Sin.: i puthitur, i shtrënguar, i ngjeshur, i përmbledhur, kuckë, i angësht, i vogël, i dendur, i hollë, i kufizuar, i njëanshëm, i pazhvilluar, i ngurtë, mendjeshkurtër, shpirtvogël, zemërngushtë, meskin, shtrëngues, i afërt, i përzemërt, i ngrohtë, intim, besnik, vëllazëror, i dashur, i vështirë, i rëndë, ndjellakeq, i rrëmaçët, i mirëfilltë, i drejtpërdrejtë.
♦ Ka *zemër (shpirt) të ngushtë (dikush). E ka zemrën (shpirtin) të ngushtë (dikush) është zemërngushtë e shpirtvogël; ka zemër (shpirt) të ngushtë; kund. e ka zemrën (shpirtin) të gjerë. Me *zemër (me shpirt) të ngushtë.
NGÚSHTË ndajf. 1. Me gjerësi të vogël a të pamjaftueshme, shtrënguar; kund. gjerë. E ka prerë (e ka qepur) ngushtë. I rrinë ngushtë rrobat (pantallonat). I bien ngushtë këpucët (çizmet).
2. Me një hapësirë të vogël për të banuar, për të punuar etj.; shumë afër me një tjetër, shtrënguar; kund. lirshëm, gjerë. Ishin ngushtë me shtëpi. Rrimë ngushtë.
3. fig. Në një gjendje të vështirë për ta përballuar, pa rrugëdalje, pisk, keq. Ishte (gjendej, ndodhej) ngushtë. Mbeti (ra) ngushtë. E ka ngushtë. E zuri (e kapi) ngushtë e gjeti a e vuri dikë në kushte të vështira, pa rrugëdalje. Jam ngushtë me dikë më shkakton shqetësime dikush, nuk di si t’ia bëj me dikë, e kam keq punën me të.
4. fig. Në nevojë për diçka a për dikë; në gjendje të keqe ekonomike. Ishte ngushtë nga gjendja (ekonomikisht). Dikur ishin ngushtë për bukë (për ushqime). Ranë ngushtë atij dimri. Është ngushtë për diçka. Në kohë fushate ishte ngushtë për njerëz. Ngushtë fort iron. nuk do t’ia dijë për dikë. Është ngushtë fort për ty! S’jam ngushtë për ty.
5. fig. Në mënyrë të drejtpërdrejtë e shumë të afërt; në mënyrë të afërt dhe të përzemërt. I lidhur ngushtë me popullin (me masat). I lidhur ngushtë me problemet e kohës (e jetës). E lidhin ngushtë me praktikën.
6. fig. Në mënyrë të kufizuar, me një pamje të ngushtë, pa gjerësi. Gjykon (mendon) ngushtë. E kupton ngushtë problemin (çështjen). I sheh ngushtë punët.
✱Sin.: shtrënguar, ngjeshur, krrëk, fort, rrasur, ngucur, dendur, angësht, vështirë, rëndë, pisk, keq, acar, rricë, ngushtësisht, pandashmërisht, pazgjidhmërisht, drejtpërdrejt, shtrëngueshëm, hollë, hollazi, përzemërsisht, ngurtë.
♦ *Gjallë e ngushtë (e keq). Jam (bie) ngushtë. 1. (me dikë). Më shkakton shqetësime dikush e nuk di si t’ia bëj me të, e kam keq punën me të; bie trashë; bie në hall. (për diçka). Më mungon diçka e kam shumë nevojë për të; jam në gjendje të keqe ekonomike; bie në një gjendje shumë të rëndë, nga është vështirë të dal; e kam pisk. E ndiej (e shoh) veten ngushtë. 1. Më vjen zor a turp para dikujt a në një mjedis të panjohur, ndihem keq; zihem ngushtë; e ndiej (e shoh) veten pisk. 2. Ndihem fajtor për diçka; jam i prekur nga pasojat e një veprimi; ul kokën. E zuri ngushtë (dikë) e vuri në një gjendje të vështirë e pa rrugëdalje, e vuri në kushte të tilla që s’di nga t’ia mbajë a si të përgjigjet; e zuri (e bëri) mat; e zuri pisk; e shtiu (e futi) në rreth. Zihem ngushtë vihem në gjendje të vështirë e pa rrugëdalje, s’di nga t’ia mbaj a si të përgjigjem; e ndiej (e shoh) veten ngushtë; gëlltit (kapërcej) pështymën; zihem pisk; më zuri rrota (qerrja) bishtin.
NGÚSHTËZ,~A f. sh. ~A, ~AT krahin. Kockë në gjoksin e pulës.
Shfaq përkufizimin e plotë →NGUSHT,~I m. Bast.
Shfaq përkufizimin e plotë →NGUSHTÁN,~E mb., krahin. Që është ngushtë.
Shfaq përkufizimin e plotë →NGUSHTÁN,~I m. sh. ~A, ~AT krahin. Ai që është ngushtë.
Shfaq përkufizimin e plotë →NGUSHTÁN/E,~IA f. sh. ~E, ~ET krahin. Ajo që është ngushtë.
Shfaq përkufizimin e plotë →NGÚSHTAS ndajf. Ngushtë. Ishin të lidhur ngushtas ndërmjet tyre. Lidhen ngushtas, së paku, me dy aspekte.
Shfaq përkufizimin e plotë →NGÚSHT/E,~JA f. sh. ~E, ~ET Ajo që është e hollë, elegante (kryesisht për një grua).
Shfaq përkufizimin e plotë →NGUSHTÍ,~A f. 1. Varfëri e madhe, ngushticë. Ajo familje jetonte në ngushti të madhe.2. Ndjenja e të ndjerit ngushtë; ngushtllëk. E kapi ngushtia e nuk dinte si të vepronte.
Shfaq përkufizimin e plotë →NGUSHTÍM,~I m. sh. ~E, ~ET 1. Veprimi kur ngushtoj ose ngushtohem; kund. zgjerim. Ngushtimi i enëve të gjakut. Ngushtimi i tregjeve. Ngushtimi i dallimeve thelbësore midis fshatit …
Shfaq përkufizimin e plotë →NGUSHT/ÓJ vep., ~ÓVA, ~ÚAR kal. 1. E bëj diçka më të ngushtë diçka; kund. zgjeroj. Ngushtoj pantallonat (fustanin). Ngushton enët e gjakut. 2. I pakësoj vendin a hapësirën e nevojs…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë