Fjalori
NGJYER

NGJÝER (i, e) mb. Që ka marrë një ngjyrë të ndryshme nga ajo që ka pasur, duke u futur në një lëng; i ndotur a i bërë me diçka, i lyer. Lesh i ngjyer. Me duar të ngjyera. I ngjyer i tëri me bojë.
✱Sin.: i bojatisur, i ngjyrosur, i fëlliqur.

NGJYER

NGJÝER,~IT (të) as. 1. gjell. Gjizë e thërrmija djathi, të holluara me qumësht ose me shëllirë; gjellë e lëngët, që mund të hahet duke ngjyer kafshatën në të; ngjyerje. Vetëm ca të ngjyer i nxori mikut. Gatoi një fërgesë të shpejtë me të ngjyer.
2. Veprimi që bëjmë kur ngjyejmë bukën a kulaçin në një ushqim të lëngshëm. I shijon buka me të ngjyer.
✱Sin.: gjizë, ngjëratë.

Rezultate të tjera nga lematizimi ose nga ngjashmëria me formën përfaqësuese: NGJYEJ
NGJYEJ

NGJÝEJ vep., NGJÉVA, NGJÝER kal. 1. Zhyt diçka në një lëng për ta njomur; zhyt bukën në një gjellë. Ngjyej penën në bojë. Ngjyej bukën në qumësht. Ngjyenin kafshatën në shëllirë.
2. I jap një ngjyrë tjetër nga ajo që kishte më parë, duke e zhytur në një lëng; i jap një ngjyrë të caktuar; kund. çngjyej. Ngjyej leshin (trikon, fustanin). Ngjyej flokët. Ngjyej me bojë të zezë (të kuqe). Ngjyej me të verdhë. Besimtarët e krishterë ngjyejnë me të kuqe vezët e Pashkës.
3. jokal., fig., bised. Arrij të bëj a të shtie në dorë diçka; më ecën, më shkon. S’ngjyen dot gjer atje.
4. Përzihem në punë të pista me përfitim; vjedh. Është mësuar të ngjyej është mësuar me përfitime të paligjshme. Ngjyen në shumë sahanë u shërben të gjithëve për interes; ha me dy (disa) lugë.
✱Sin.: njom, lag, ngjyroj, ngjyros, bojatis, shtie, ecën, shkon.
♦ Ngjyejnë në një *çanak përçm. E ka ngjyer *gishtin (dikush). S’do ngjyejë as *gishtin (dikush). E ka ngjyer *kafshatën (dikush). Të *lyen e të ngjyen (dikush) keq.

Rezultate të ngjashme

NGJYERJE

NGJÝERJ/E,~A f. Veprimi kur ngjyej ose kur ngjyhem. Ngjyerja e rrobave (e leshit). Procesi i ngjyerjes.✱Sin.: njomje, të ngjyer, ngjyrim, ngjyrosje, lyerje, bojatisje.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë