Fjalë që fillojnë me...
Fjalë me të njëjtat parashtesa ose tema fjalëformuese.
NGEC vep., ~A, ~UR jokal. 1. Mbetem në vend e nuk lëviz dot më tutje për shkak të një pengese që më del përpara, pengohem e nuk shkoj dot më tej. Kali kishte ngecur në baltë (në llucë). Kishte ngecur në mes të dëborës. Ngeci në rërë. Ngeci në një pengesë. Ngeci në mes të rrugës. I ngeci buka në fyt (në grykë). Thela e madhe të ngec në fyt (fj. u.).
2. Më kap për cepi diçka e nuk më lë të shkëputem. Më ngeci palltoja në një gozhdë. I ngeci këmisha në një degë. Ngeci varur. Ngeci grepi në lumë. I kishte ngecur këmba keq.
3. vet. v. III Mbetet, nuk lëviz a nuk punon më një makinë a një vegël për shkak të dëmtimit ose të një pengese. Ngeci motori. Ngeci ora. Ngeci loja në kompjuter.
4. fig. Has në një pengesë dhe nuk eci dot më tej, ngelem në vend; pushon së zhvilluari a së përparuari më tej. Nuk ngeci puna asnjë çast. Ka ngecur në këtë problem. Ngecëm në këtë pikë. Reforma ngeci në vend. Ka ngecur ekonomia (bujqësia). Ngeci karkaleci (tall.).
5. kal. E kap për cepi diçka në një vend, e var në një kunj, gozhdë etj.; e kap me pe, e qep; kund. çngec. E ngeci pallton në një gozhdë.
6. fig., bised., kal. I ngarkoj dikujt një punë a diçka tjetër me të hedhur, ia lë në dorë ose në kurriz. Ia ngeci atij. Ia ngecën asaj si më e vogla që ishte. Deshi të na e ngecte neve këtë punë (faj, gabim).
7. sport., kal. Godas lehtë topin në volejboll atëherë kur kundërshtari pret një gjuajtje të fortë dhe e bëj të humbasë topin. Ia ngeci topin.
✱Sin.: bllokohem, gozhdohem, shqepoj, hesht, ngel, mbetem, pengohem, kapem, ndesh, rrok, has, zë, zihet, ngelem, lë, pushon, bllokoj, var, kacit, qep, ngarkoj, hedh.
♦ Ngeci (mbeti) në *baltë (dikush). Ngec në *cekë (dikush). Ngeci në *driza (dikush). Të ngectë në *fyt! mallk. Më ngeci (më ngeli, më mbeti) në *fyt. Më ngeci (më mbeti) në *gojë (diçka). Ka ngecur në *kënetë (dikush) iron. I ngeci *sharra në gozhdë (dikujt). Më ngeci (më mbeti) në *grykë (diçka). Të ngectë në *grykë! mallk. Ngeci (mbeti) në *llucë (dikush). Ngeci (mbeti) në *llum (dikush). Ngeci (mbeti) në *moçal (dikush). I ngeci *plori (dikujt). Ngeci (mbeti, qëndron, bën hapa) në *vend (dikush a diçka).
NGEC vep., ~A, ~UR jokal. 1. Mbetem në vend e nuk lëviz dot më tutje për shkak të një pengese që më del përpara, pengohem e nuk shkoj dot më tej. Kali kishte ngecur në baltë (në ll…
Shfaq përkufizimin e plotë →►NGÉC/EM jovep., ~A (u), ~UR 1. vetv. Kapem pas diçkaje për t’iu shkarkuar një tjetri, gjej shkas të zihem me dikë; i bie më qafë dikujt. Donte të ngecej. U ngec pas një fjale të t…
Shfaq përkufizimin e plotë →NGÉCJ/E,~A f. sh. ~E, ~ET Veprimi kur ngec ose kur ngecem; ndalim; bllokim; kund. çngecje. Ngecja e prodhimit (e ekonomisë). Ngecja e bisedimeve. Ngecje në vend. Shkaqet e ngecjes …
Shfaq përkufizimin e plotë →NGÉCULL,~A f. sh. ~A, ~AT Pengesë. Rrugë me ngeculla të shumta. I doli një ngecull. Për të çdo gjë është ngecull.
Shfaq përkufizimin e plotë →NGÉCUR (i, e) mb. Që ka ngecur; i mbërthyer, i gozhduar, i penguar, i kapur. I ngecur në baltë (në dëborë). Anije e ngecur në cekëtinë. I ngecur në kurth. E pa veten të ngecur në u…
Shfaq përkufizimin e plotë →NGÉCUR,~I (i) m. sh. ~, ~IT (të) Ai që ka ngecur diku; ai që është i mbërthyer, i gozhduar, i penguar, i kapur. Eksperienca e të ngecurit. Të ngecurit ishin furnizuar me ushqim dhe…
Shfaq përkufizimin e plotë →NGÉCUR,~IT (të) as. Ngecje. Me të ngecur në mënyrë të padrejtë.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë