Fjalori
NDYHEM

►NDÝ/HEM jovep., ~VA (u), ~RË 1. vetv. Përlyhem me baltë, me lyrë, me bojë a me diçka tjetër, fëlliqem, ndotem; kund. pastrohem. Është ndyrë në fytyrë. Është ndyrë i tëri.
2. vetv., vet. v. III (me një trajtë të shkurtër të përemrit vetor në r. dhanore) Më bëhet i neveritshëm dikush a diçka, më neveritet, më vështirësohet; më vjen ndot, më vjen krupë. I është ndyrë ai njeri. Iu ndy ajo gjellë. Iu ndy pija. Po më ndyhet me këto fjalë.
3. euf., vetv. Dal jashtë, bëj nevojën, ndotem. U ndy foshnja.
4. pës. e NDÝJ.
✱Sin.: ndotem, fëlliqem, ndragem, purthem, përpurthem, qelbem, pëgëhem, përzhurgem, palandyhem, palavohem, pëlyrem, përdhosem, lerosem, zhulosem, laparosem, njollosem, laturisem, katranosem, zhytem, gërbulem, ajkosem, llackosem, llangosem, llagavitem, zgjyrosem, bëhem, vështiroset, neveritet, sklloçitem, pocaqisem, përmutem, trokohem, dhitem, lirohem, jashtëqit, përlyhem, prishet, djalloset.

Rezultate të tjera nga lematizimi ose nga ngjashmëria me formën përfaqësuese: NDYJ
NDYJ

NDY/J vep., ~VA, ~RË kal. 1. Bëj diçka me baltë, me lyrë, me bojë ose me një lëndë tjetër, e bëj të papastër; përlyej, fëlliq, njollos; kund. pastroj. Ndyj fytyrën (duart, këmbët). Ndyu rrobat. Ndyu vendin ku po punonte. Ndyj me baltë (me vaj, me lyrë). Shkopin, po e ndyve të tërë, s’ke ku e kap. (fj. u.) a) po e prishe krejt një punë, s’e ndreq dot më e s’ke nga ta nisësh; b) po pate bërë ndonjë gjë shumë të keqe, s’ke ku të mbahesh më.
2. E bëj t’i vijë ndot për diçka, ia vështiros. Ia ndyu gjellën macja.
3. fig. Cenoj emrin e mirë, i vë njollë, njollos. Nuk e ndyn veten me këto ai.
4. euf., jokal. Dal jashtë, bëj nevojën.
✱Sin.: ndot, zhyej, fëlliq, ndrag, lyej, përlyej, llangos, qelb, pëgëj, palandyj, palavoj, përshkëllij, katranos, vështiros, neverit, turpëroj, cenoj, njollos, zhulos, prish, djallos, moleps, përdhos, shpërdhos, përzhurg, purth, përpurth, pëlyr, leros, zgjyros, laparos, laturis, larushit, gërbul, ajkoj, llackos, llagavit, vangoj, qurroj, sklloçit, përmut, dhjes, jashtëqit.
♦ Nuk e ndyj (nuk e fëlliq) *dorën (me dikë) përçm. E ndyu (e prishi) *gojën (dikush).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë