Fjalori
NDUKEM

►NDÚK/EM jovep., ~A (u), ~UR 1. vetv. Shkul flokët dhe gërvisht faqet nga dëshpërimi. Ndukeshin e vajtonin.
2. vetv., sh. Pickohemi njëri me tjetrin. Mos u ndukni!
3. pës. e NDÚK. Nduket shamia nëse e mban nëpër duar. Çirret e nduket bërtet e bën zhurmë të madhe që t’u mbushë mendjen të tjerëve ose që të tërheqë vëmendjen.
✱Sin.: shkul, gërvisht, pickohemi, sharandukemi.

Rezultate të tjera nga lematizimi ose nga ngjashmëria me formën përfaqësuese: NDUK
NDUK

NDUK vep., ~A, ~UR kal. 1. Kap mishin dhe e tërheq lehtë duke bashkuar gishtat e dorës; pickoj; ngacmoj duke pickuar. Ndukte faqet. I ndukte krahun. Mos më nduk më.
2. I shkul pendët a puplat një shpendi, rrjep. Nduk pulën (zogun, rosën). I nduku pendët.
3. Tërheq nga pak, shkul lehtë fijet e flokëve, qimet e mjekrës a të mustaqeve; tërheq me forcë duke e kapur me maja të gishtave, shkul. Nduk mustaqet (mjekrën). I ndukte flokët. I nduku veshët.
4. Kafshoj me dhëmbë aty-këtu; i këput një copë me dhëmbë; kafshoj nga pak, brej me dhëmbë. Nduk bukën. Nduk një dardhë (një mollë). Nduk thonjtë. Ndukte buzën. Nduk gjethet (dhia). Nduk barin (delja). Nduk grepin (peshku). E nduku qeni.
5. Tërheq nga vetja dikë a diçka duke e kapur lehtë diku. Nduk frerin. Nduk litarin. Nduk nga mënga (nga krahu, nga palltoja).
6. Mbaj ndër duar diçka dhe e zhubros. Ndukte shaminë (shallin).
7. Shkul aty-këtu. Nduk barin.
8. Thith gjirin fëmija (qengji, viçi). Po nduk viçi.
9. Marr diçka që nuk më takon, me forcë apo me dredhi, zhvat. Ai vetëm të ndukë di.
10. Rrah; rrah keq; zhdëp. E zuri në një cep dhe e nduku paq.
11. E mund dikë në lojë. Do të të nduk në shah, ke për ta parë!
12. Shprish leshin për ta lënurur. E nduku mirë e mirë leshin.
✱Sin.: rrufshoj, kaçanduk, përqok, çnduk, stok, shkalafis, sharanduk, pickoj, çukis, çupis, rrudh, rrjep, shkul, kafshoj, brej, çepkas, kërpis, tërheq, zhubros, rrah, zhdëp, mund, shkrif.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë