Fjalë që fillojnë me...
Fjalë me të njëjtat parashtesa ose tema fjalëformuese.
NDRÝSHK,~U m. 1. Shtresë e kuqërremtë, që formohet mbi sipërfaqen e sendeve prej hekuri nga bashkimi i tij me oksigjenin e ajrit ose të ujit, oksid hekuri. Shtresë (cipë) ndryshku. Ngjyrë ndryshku. I mbuluar nga ndryshku. I ngrënë (i gërryer) nga ndryshku. Hekur me ndryshk. Zuri ndryshk. I hoqi ndryshkun.
2. bujq. Sëmundje që prek bimët, sidomos drithërat, e cila shkaktohet nga disa lloje kërpudhash dhe shfaqet me njolla të kuqërremta në gjethe dhe në kërcell. Ndryshku i grurit (i tërshërës). Ndryshku i hudhrës (i qepës). Ndryshku i limonit.
3. bot. Pjesë e parë e emërtimeve për disa lloje sëmundjesh të bimëve. Ndryshk i murrmë sëmundje e grurit që prek kryesisht gjethet e tij, që shfaqet në formën e pustulave me ngjyrë kafe-portokalli, të cilat në periudhën e fundit marrin ngjyrë të zezë. Ndryshk i verdhë sëmundje që shfaqet mbi gjethet, mbi kërcellin, në glumën e drithërave, në formë pustulash ngjyra e të cilave në fillim është e verdhë, kurse më vonë kafe. Ndryshk i misrit sëmundje e bimës së misrit që shfaqet në sipërfaqen e gjetheve në formë pustulash në fillim në ngjyrë kafe e më vonë në ngjyrë të zezë. Ndryshk i fasules sëmundje që prek gjethet e fasules, në pjesën e poshtme të të cilave formohen uredopustulat me ngjyrë kafe të mbushura me uredospore. Ndryshk i panxharit sëmundje e panxharit që shfaqet në gjethe dhe në bishta në formë pustulash të vogla në ngjyrë kafe, që nuk i shkakton bimës dëme të mëdha.
✱Sin.: myk, zgjyrë, mbeturinë, vrug.
♦ I heq ndryshkun (dikujt a diçkaje) e pastroj nga hijet e së kaluarës, nga gjithçka e keqe që e ka mbuluar, nga mendimet e mbrapshta etj. Ka zënë ndryshk (dikush) shih ka zënë myk2 (dikush). Më ka zënë sharra ndryshk s’kam më fuqi trupore, më kanë shterur forcat; u plaka e nuk punoj dot më; s’më bëjnë këllqet; më lanë (m’u prenë) këllqet. I kanë zënë trutë ndryshk (dikujt). 1. Ka mbetur prapa nga jeta, nuk i kupton dukuritë e reja rreth vetes; i kanë zënë trutë myk. 2. Nuk e mëson a nuk e kupton dot diçka; s’i hyn në kokë.
NDRÝSHK vep., ~A, ~UR kal. 1. E bën të zërë ndryshk a të mbulohet me ndryshk; kund. çndryshk. Uji e ndryshk hekurin. Lagështira e detit i ndryshk dritaret.
2. fig. E bën të ngathët, e plogështon; e ligështon. Mungesa e lëvizjes e ndryshk trupin. Plakja e ndryshk njeriun.
3. fig. I humbet gjallërinë mendore; e bën të ngathët e të paaftë për t’u zhvilluar, për të ecur përpara. Çfarë ia ka ndryshkur mendjen?
✱Sin.: oksidoj, myk, zgjyros, plogështon, ligështon, dobësoj, pengon, ngathtëson.
NDRÝSHE ndajf. Në mënyrë tjetër; me tjetër mënyrë a me tjetër rrugë ose me tjetër brendi, me tjetër cilësi a me tjetër trajtë. Krejt ndryshe. Më doli ndryshe. E dija ndryshe. Po ta…
Shfaq përkufizimin e plotë →NDRÝSHE lidh. Në rastin e kundërt, përndryshe. Shpejto, ndryshe do të vonohesh! Thuaj të vërtetën, ndryshe nuk të del mirë! Ndrequ, ndryshe do ta pësosh! Duhej ta mbaronte, ndryshe…
Shfaq përkufizimin e plotë →NDRÝSH/E,~JA f. Kryelanë.
Shfaq përkufizimin e plotë →NDRÝSHE mb. Që është i ndryshëm. Mendimi ndryshe mendim alternativ. Me aftësi ndryshe me aftësi të kufizuara. Një fundjavë ndryshe.
Shfaq përkufizimin e plotë →NDRYSHÍM,~I m. sh. ~E, ~ET 1. Veprimi dhe gjendja kur ndryshoj ose kur ndryshohem. Ndryshime sasiore (cilësore). Ndryshime rrënjësore. Ndryshime të shpeshta. Ndryshimi i emrit. Ndr…
Shfaq përkufizimin e plotë →NDRÝSHK,~U m. 1. Shtresë e kuqërremtë, që formohet mbi sipërfaqen e sendeve prej hekuri nga bashkimi i tij me oksigjenin e ajrit ose të ujit, oksid hekuri. Shtresë (cipë) ndryshku.…
Shfaq përkufizimin e plotë →NDRÝSHK vep., ~A, ~UR kal. 1. E bën të zërë ndryshk a të mbulohet me ndryshk; kund. çndryshk. Uji e ndryshk hekurin. Lagështira e detit i ndryshk dritaret. 2. fig. E bën të ngathët…
Shfaq përkufizimin e plotë →NDRYSH/ÓJ vep., ~ÓVA, ~ÚAR 1. kal. I jap dikujt a diçkaje cilësi, trajtë, drejtim etj. tjetër nga ai që kishte më parë, e bëj tjetër. I ndryshoj ngjyrën (trajtën). Ndryshuan drejti…
Shfaq përkufizimin e plotë →NDRÝSHTË (i, e) mb. I ndryshëm. Ka një qasje të ndryshtë nga të tjerët.
Shfaq përkufizimin e plotë →NDRÝSH/ËM (i), ~ME (e) mb. 1. Që ndryshon nga dikush a nga diçka tjetër, që ka cilësi ose veti të tjera në krahasim me dikë a me diçka, që dallohet nga një tjetër, që nuk shëmbëlle…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë