Fjalori
NDOTEM

►NDÓT/EM jovep., ~A (u), ~UR 1. vetv. Fëlliqem me diçka, ndyhem; kund. pastrohem, çndotem. Ndotem me baltë (me pluhur). Më ndoten rrobat (duart).
2. euf., vetv. Bëj ujët, dal jashtë. Është ndotur foshnja.
3. pës. e NDÓT. Plazhi u ndot nga rrjedhja e naftës nga naftëmbajtësja.
✱Sin.: ndyhem, fëlliqem, zhulosem, zhgërryhem, trokohem, kallajisem, llackosem, llagavitem, llangosem, laturisem, lyrosem, larushitem, përlyhem, përdhosem, zhyhem, zgjyrosem, sklloçitem, gërbulem, bëhem, qelbet, prishet, neveritet.

Rezultate të tjera nga lematizimi ose nga ngjashmëria me formën përfaqësuese: NDOT
NDOT

NDOT vep., ~A, ~UR kal. 1. Ndyj, fëlliq; kund. pastroj, çndot. Ndoti duart (këmbët). I ndoti me baltë. Kush ndot këmbët, luan dhëmbët. (fj. u.) kush punon ha.
2. E bëj të dëmshëm për jetën e gjallë, duke hedhur ose duke përhapur lëndë kimike, mbeturina të industrisë etj. Ndot ajrin (ujërat, atmosferën). Ndot mjedisin.
3. euf., jokal. Bëj ujët, dal jashtë.
✱Sin.: ndyj, fëlliq, trokoj, kallajis, moleps, sklloçit, laturis, lyros, përlyej, përdhos, llackos, llagavit, llangos, zgjyros, zhulos, zhyej, gërbul, bëj, qelb, zgjyros, prish.

NDOT

NDOT ndajf. Mbushur me ujë, lagur e bërë qull me ujë. Ishte lagur, ishte bërë ndot.

NDOT

NDOT,~I m. Ndjenja e përzierjes, që provojmë para një gjëje të fëlliqur, të ulët ose të papëlqyer; neveri, krupë. Kam ndot nga diçka. E sheh me ndot. Të ngjall ndot. E kujtonte me ndot. Më vjen ndot (kam ndot) më vjen të vështirë, më vështiroset.
✱Sin.: krupë, efsh, neveri.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë