Fjalori
NDILLET

►NDÍLLET jovep., NDÓLL (u), NDJÉLLË pës., vet. v. III e NDJÉLL. U largua si të ndillej prej rrezikut të mundshëm.

Rezultate të tjera nga lematizimi ose nga ngjashmëria me formën përfaqësuese: NDJELL
NDJELL

NDJELL vep., NDÓLLA, NDJÉLLË kal. 1. Bëj që të afrohen në një vend shpendët shtëpiakë ose disa kafshë shtëpiake, duke u thirrur a duke i tërhequr me një ushqim. Ndjell pulat (rosat, zogjtë, qentë). Ndjell bletën. Ndjell me kokrra misri. Ndjell shpirtrat e këqij.
2. fig. Tërheq mbi dikë zakonisht një fatkeqësi ose diçka të padëshirueshme, thërras; parandiej ose parashikoj diçka të mirë a të keqe për dikë. Ia ndolli. Ndjell zi (të keqen). I ndolli vdekjen. I ndjell kobën dikujt. Ia ndolli mbi kokë. Ç’ndjell, mbështjell. (fj. u.). Ndjell armiqësi.
3. fig. Bëj që ta pushtojë një ndjenjë, një mendim, një gjendje; i sjell, i ngjall. I ndjell gjumë. I ndjell mendime (kujtime, trishtim, mërzi). I ndjell krupë (të vjellë). I ndjell në mend (në kujtesë). Ndjell shpresa të mira. Ndjell panik.
4. vet. v. III Sjell me vete, tërheq nga pas, bën që të vijë diçka. Gatim që të ndjell oreksin. Ndjell rënien e shiut. Fjala ndjell fjalën.
5. fig. Tërheq për diku; e bëj që të vijë pas meje, josh. Ndjell me fjalë (me lajka). E ndjell pas vetes. I ndillte malli i atdheut. Ndjell frymën e bashkëpunimit.
6. Tërheq brenda vetes; thith. Ndjell ajrin (tymin, erën). Ndjell çibukun (duhanin). Ndjell hundët.
7. Rrufit, gjerb. Ndjell kafen (qumështin).
✱Sin.: tërheq, thërras, parandiej, parashikoj, sjell, ngjall, josh, thith.
♦ Çfarë ndjell (edhe) mbështjell (dikush) shih çfarë mbjell (edhe) korr (dikush). Ndjell (mbjell) *kob (dikush). Më ndjell *të vjellët (dikush a diçka). Ma ndjell (ma thotë, ma ndien) *zemra (diçka). Ndjell (mbjell) *zi (dikush).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë