Fjalori
NDESHUR

NDÉSHUR ndajf. Ngjitur me diçka tjetër; ngjitur, takuar, puqur, puthitur. I futi ndeshur njëra me tjetrën. I la ndeshur frutat.

NDESHUR

NDÉSHUR (i, e) mb. Që është ndeshur diku, që është takuar diku rastësisht, i hasur.

NDESHUR

NDÉSHUR,~IT (të) as. Ndeshje, përplasje; konkurs; përleshje. Të ndeshurit sipas rregullave.

Rezultate të tjera nga lematizimi ose nga ngjashmëria me formën përfaqësuese: NDESH
NDESH

NDESH vep., ~A, ~UR kal. 1. Has me dikë a me diçka që më del përballë, gjej papritur, takoj rastësisht, has. Ndeshi të vëllanë (shokun). Nuk e ndesha gjatë rrugës. I ndeshi (i hasi, i zuri, i ra) sharra në gozhdë.
2. Gjej diçka gjatë leximit, gjatë punës, gjatë kërkimit etj. Ndesh një fjalë të panjohur. E ndesha teksa në një tekst. Emrin e tij e ndesh shpesh në këtë libër. Këtë kafene e ndeshim kudo.
3. jokal. Përplasem me dikë a me diçka që më zë rrugën. Ndeshi në një gur. Ndeshi në një kurth për kafshë të egra. Ndeshi në një mur të lartë.
4. fig., jokal. Më del përpara diçka a dikush që më pengon a më ndihmon, kam të bëj papritur me diçka a me dikë, has, bie. Ndesh në vështirësi (në pengesa). Ndeshi në kundërshtime. Ndeshi në njerëz të mirë (të arsyeshëm, të këqij, të pabesë).
5. Rrok vështrimin e dikujt, të cilit i kam hedhur sytë. Ndesh vështrimin (sytë) e tij qortues.
✱Sin.: has, përballem, gjej, zë, takoj, rastis, takohem, stërditem, zates, përplasem, prek, takon, bie, shikoj, rrok, ndeshem.

NDESH

NDESH ndajf. I bie ndesh shkoj kundër diçkaje a kundër dikujt, jam në kundërshtim me diçka a me dikë, nuk pajtohet me të; ndeshas. I bie ndesh së vërtetës. I bie ndesh fjalës. Bie ndesh me zhvillimin e shoqërisë. Bien ndesh me vullnetin tonë. Bie ndesh me ligjin.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë