Fjalori
NDARAT

NDÁRA,~T (të) f. sh., etnogr. Dreka që shtrohet për të vdekurin pas 3, 7, 40 ditëve. Sot i kanë të ndarat e babait.

Rezultate të tjera nga lematizimi ose nga ngjashmëria me formën përfaqësuese: NDARË
NDARË

NDÁR/Ë,~A (e) f. sh. ~A, ~AT (të) Pjesë e veçantë brenda një ndërtese; kthinë, dhomë. Shtëpi me katër të ndara. E ndara e sekretarisë. E ndara e vogël e hamamit.
✱Sin.: ndarje, kthinë, dhomë, dhomëz, ndarëz, boks.

NDARË

NDÁRË,~T (të) as. Ndarje. Të ndarët e shpërblimeve. Të ndarët e ushqimit.

NDARË

NDÁRË (i, e) mb. 1. Që është veçan nga diçka ose nga dikush tjetër, jo i bashkuar; që i përket veçan secilit, jo i përbashkët; kund. i bashkuar. I kemi të ndara punët (detyrat). Rrugët tona janë të ndara. S’kanë asgjë të ndarë.
2. Që është ndarë në dy a më shumë pjesë. Arë e ndarë kaq këtej e kaq andej sinorit. Bukë e ndarë në dy pjesë.
3. Që është veçuar nga diçka tjetër, i nxjerrë veçan (për dy lëndë a për gjëra të ndryshme). Shumë parash të ndara për udhëtimin. Ushqime të ndara mënjanë për dimër.
4. Që e ka zgjidhur martesën; që nuk jeton më së bashku me të tjerë në një familje, që ka dalë veçan. Grua e ndarë. Burrë i ndarë. Vëlla i ndarë. Jemi të ndarë.
5. Që ia tregon edhe dikujt tjetër, që e ndan me dikë (për ndjenjat, emocionet) Dhimbja e ndarë me dikë përgjysmohet.
6. Që i është dhuruar ose i është dhënë dikujt. Paraja e ndarë si sadaka.
7. bot. I segmentuar në një numër të caktuar segmentesh, që shtrihen gati deri në bazë të pjesës (gjethes) së cilës i përket.
✱Sin.: i shkëputur, i veçuar, i shqitur, i përndarë, i shkallëzuar, i zbërthyer, i degëzuar, i çarë, i thyer, i copëtuar, i copëzuar, i përçarë, i shkolitur, i shpërndarë, i shkurorëzuar, i divorcuar, i vetmuar.
♦ Me *mendje të ndarë. I ndarë jo barabartë që ka anë ose pjesë asimetrike.

NDARË

NDÁRË ndajf. Ndaras; jo bashkë. Banojnë ndarë. Ikën ndarë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë