Fjalë që fillojnë me...
Fjalë me të njëjtat parashtesa ose tema fjalëformuese.
NDËRTÚAR (i, e) mb. Që ka përfunduar së ndërtuari, i ngritur. E ndërtuar kohë më parë. I ndërtuar me parafabrikate. Shtëpi e ndërtuar vetëm me dru.
✱Sin.: i përfunduar, i ngritur, i themeluar, i formuar.
NDËRTÚAR,~IT (të) as. Ndërtim. Të ndërtuarit pa kriter.
NDËRT/ÓJ vep., ~ÓVA, ~ÚAR kal. 1. Ngre, bëj me lëndë të ndryshme ndërtimi një ndërtesë, një urë, një rrugë etj.; kund. shkatërroj, prish. Ndërtuan shtëpi të reja. Ndërtuan një urë. Ndërtuan një qytet (një kështjellë). Ndërtojnë me gurë (me tulla).
2. Bëj një makinë, një pajisje etj., duke bashkuar pjesët e ndryshme të ndërrimit. Ndërtojnë makina (traktorë, anije).
3. fig. Ngre diçka me një përmbajtje e trajtë të caktuar dhe me një qëllim të caktuar; krijoj a organizoj sipas një plani të caktuar. Ndërtuan bazën materiale. Ndërtojmë shoqërinë e re. Ndërtoj marrëdhënie. Ndërtojmë shkollën e re (familjen e re). Ndërtoj fatin tim.
4. Planifikoj. Ndërtoj një buxhet.
5. Organizoj duke i lidhur pjesët përbërëse në një mënyrë të caktuar, bëj diçka duke i renditur pjesët ose duke e bashkuar lëndën sipas një plani të brendshëm. Ndërtoj orën e mësimit. E ka ndërtuar mirë librin (studimin, romanin, dramën). E ndërtoj ndryshe.
6. bised. Përgatit një gjellë me të gjitha ato që duhen; i shtie gjellës diçka që ia përmirëson shijen. Ndërtoi një supë me vezë. Ndërtoj sallatën i shtie kripë, vaj e uthull. Ç’na ke ndërtuar për drekë?
7. bised. Rregulloj, ndreq. Ndërtoj dhomën. E ndërtoi nusen e rregulloi, e stolisi nusen.
8. Fejoj. E ndërtova djalin (vajzën). Po stolis atë që është ndërtuar.
9. gjuh. Bashkoj fjalët në fjali sipas një rendi të caktuar ose sipas përkimeve gramatikore. Ndërtoj me rasën emërore. Ndërtoj me parafjalë.
10. gjeom. Vizatoj sipas kërkesave të dhëna. Ndërtoj një gjashtëkëndësh. Ndërtoj një figurë.
✱Sin.: ngre, godit, bëj, hedh, shpif, thur, sajoj, stis, krijoj, formoj, themeloj, hap, përgatis, rregulloj, ndreq, vizatoj, trajtoj.
NDËRTÚES,~E mb. Që shërben për të ndërtuar a për të përmirësuar diçka; kund. shkatërrues. Punë ndërtuese. Kapacitete ndërtuese. Aktivitet ndërtues. Shoqëri (firmë) ndërtuese. Kriti…
Shfaq përkufizimin e plotë →NDËRTÚES,~I m. sh. ~, ~IT 1. Ai që ndërton diçka; punëtor i ndërtimit. Ndërtuesit duarartë. Ndërtues pallatesh. Brigadë ndërtuesish. Ndërtuesit e anijeve (e makinave). Puna e ndërt…
Shfaq përkufizimin e plotë →NDËRTÚES/E,~JA f. sh. ~E, ~ET 1. Ajo që ndërton diçka; punëtore e ndërtimit. U bë ndërtuese. 2. Firma ndërtuese. Ndërtuesja e objektit. Ndërtuesja filloi menjëherë punimet.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë